শ্ৰমিক হত্যাৰ বিৰুদ্ধে উত্তাল প্ৰতিবাদঃ স্তব্ধ বঙাইগাঁও তেল শোধনাগাৰ

নুমলিগৰ শোধনাগাৰত কৰ্মৰত শ্ৰমিক হত্যাৰ বিৰুদ্ধে বঙইগাঁও তেল শোধনাগাৰৰ শ্ৰমিক সকলে উত্তাল প্ৰতিবাদ সাব্যস্ত কৰে ৷ অতি শীঘ্ৰে উক্ত ঘটনাৰ লগত জড়িত দোষীক কৰায়ত্ব কৰি উচিত শাস্তি দিয়াৰ লগতে শ্ৰমিক সকলৰ নিৰাপত্তা সুনিশ্চিত কৰিবলৈ দাবী উত্থাপন কৰে প্ৰতিবাদী শ্ৰমিক সকলে ৷

চিৰাং, 20 নৱেম্বৰঃ চিৰাং জিলাৰ ঢালিগাঁও স্থিত ভাৰতীয় তেল নিগমৰ অধিনত থকা বঙাইগাঁও শোধনাগাৰত শ্ৰমিকৰ উত্তাল প্ৰতিবাদ । নুমলিগৰ শোধনাগাৰত কাম কৰিবলৈ যোৱা শ্ৰমিকক দুৰ্বৃত্তই হত্যা কৰাৰ বিৰুদ্ধে এই প্ৰতিবাদ শ্ৰমিক সকলৰ ৷

চিৰাং জিলাৰ ঢালিগাঁওস্থিত বঙইগাঁও তেল শোধনাগাৰৰ মুখ্য প্ৰৱেশদাৰত শোধনাগাৰৰ শ্ৰমিক সকলে উত্তাল প্ৰতিবাদ সাব্যস্ত কৰে । উল্লেখ্য যে, নুমলিগৰ শোধনাগাৰত তিনিদিন পূৰ্বে চিৰাং জিলাৰ কাজলগাঁওৰ সঞ্জয় বসুমতাৰী নামৰ শ্ৰমিকজনে পি কে এম নামৰ ঠিকাদাৰ গৰাকীৰ সৈতে কাম কৰিবলৈ গৈছিল ৷ কিন্তু সঞ্জয় বসুমতাৰী নামৰ শ্ৰমিৰজনক কোনো দুৰ্বৃত্তই হত্যা কৰে ৷ আনহাতে শোধনাগাৰতোৰ শ্ৰমিক সকলে নুমলিগৰৰ স্থানীয় লোকে শ্ৰমিকজনক হত্যা কৰা বুলি এক গুৰুতৰ অভিযোগ কৰিছে । ইতিমধ্যে উক্ত ঘটনাটোৰ পিছতে বঙাইগাঁও শোধনাগাৰৰ পৰা উজনি অসমৰ শ্ৰমিক সকলক খেদি পঠোৱা বুলি গুৰুত্বপূৰ্ণ মন্তব্য কৰে শ্ৰমিক সকলে ৷

এই ঘটনাৰ বিৰুদ্ধে শোধনাগাৰৰ শ্ৰমিক সকলে উত্তাল প্ৰতিবাদ সাব্যস্ত কৰে ৷ আনকি সমগ্ৰ শোধনাগাৰৰ কাম-কাজ সম্পূৰ্ণভাৱে বন্ধ কৰি দিয়ে প্ৰতিবাদী শ্ৰমিক সকলে । শোধনাগাৰটোৰ মুখ্য প্ৰৱেশদাৰত শ্ৰমিক সকলে বিভিন্ন শ্ল'গান দি পৰিৱেশ উত্তাল কৰি তোলে । অতি শীঘ্ৰে উক্ত ঘটনাৰ লগত জড়িত দোষীক কৰায়ত্ব কৰি উচিত শাস্তি দিয়াৰ লগতে শ্ৰমিক সকলৰ নিৰাপত্তা সুনিশ্চিত কৰিবলৈ দাবী কৰে প্ৰতিবাদী শ্ৰমিক সকলে ৷