সোণাৰি, 2 ডিচেম্বৰঃ সোণাৰিত অসম জাতীয়তাবাদী যুৱ ছাত্ৰ পৰিষদে অনুষ্ঠিত কৰিছে চুকাফা দিৱস। অসম জাতীয়তাবাদী যুৱ ছাত্ৰ পৰিষদৰ চৰাইদেউ জিলা সমিতিৰ উদ্যোগত সোণাৰিৰ ভগৱতী প্ৰসাদ বৰুৱা সোঁৱৰণী উচ্চতৰ মাধ্যমিক বিদ্যালয়ৰ খেলপথাৰত অনুষ্ঠিত কৰা হৈছে এই অনুষ্ঠান ৷ সোমবাৰে পুৱা অসম জাতীয়তাবাদী যুৱ ছাত্ৰ পৰিষদৰ সভাপতি ৰাণাপ্ৰতাপ বৰুৱাই পতাকা উত্তোলন কৰাৰ পাছতে সাধাৰণ সম্পাদক পলাশ চাংমাইয়ে স্মৃতি তৰ্পণ কৰে ৷ পৰম্পৰাগত নীতিৰে বানফি সম্পন্ন কৰাৰ লগতে উদযাপন সমিতিৰ সভাপতি হেমচন্দ্ৰ গদুকাই চুকাফাৰ প্ৰতিমূৰ্তিত মাল্যাৰ্পণ কৰে ৷
উক্ত অনুষ্ঠানৰ সময়তে নাগৰিক্ত সংশোধনী বিধেয়কৰ বিৰুদ্ধেও মন্তব্য আগবঢ়ায় অসম জাতীয়তাবাদী যুৱ ছাত্ৰ পৰিষদে ৷ চাওলুং চুকাফাৰ আদৰ্শৰে সকলোকে ঐক্যবদ্ধ হৈ কেবৰ বিৰুদ্ধে সকলো লোককে ওলাই আহিবলৈ আহ্বান জনায় অসম জাতীয়তাবাদী যুৱ ছাত্ৰ পৰিষদে ৷ উল্লেখ্য যে, ১২২৮ খ্ৰীষ্টাব্দত আজিৰ দিনটোতে সৌমাৰপীঠত প্ৰৱেশ কৰিছিল চাওলুং চুকাফাই ৷ চাওলুং চুকাফা সৌমাৰপীঠলৈ আগমণৰ সোঁৱৰণতে এই দিনটোকে চুকাফা দিৱস হিচাপে উদযাপন কৰা হয় ৷
