গুৱাহাটী, 13 জুলাই : ব্ৰহ্মপুত্ৰৰ বাঢ়নী পানীৰ ফলত গুৱাহাটীস্থিত আজান পীৰ উদ্যানৰ অধিকাংশ বুৰ গৈছে ৷ উজনি অসমৰ লগতে নামনি অসমৰো বহু অঞ্চলত বৰষুণে ভয়ংকৰ ৰূপ ধাৰণ কৰাৰ ফলত ফাঁচী বজাৰ আৰু মাছখোৱাৰ বহু অঞ্চলো প্লাৱিত হোৱাৰ আশংকা কৰা হৈছে ৷
জলমগ্ন গুৱাহাটীৰ আজান পীৰ উদ্যান
নেৰানেপেৰা বৰষুণৰ ফলত ব্ৰহ্মপুত্ৰকে ধৰি কেইবাখনো উপনৈৰ জলস্তৰ বৃদ্ধি পোৱাত ৰাজ্যত বানে ভয়ংকৰ ৰূপ ধাৰণ কৰিছে । বৰ্তমান ব্ৰহ্মপুত্ৰৰ জলস্তৰ বিপদ সীমাৰ ২২ ছেন্টিমিটাৰ ওপৰেৰে বৈ যোৱাৰ লগতে প্ৰতি ঘন্টাত ব্ৰহ্মপুত্ৰৰ জলস্তৰ মহানগৰীত ২ - ৩ ছেন্টিমিটাৰ বৃদ্ধি পাই আহিছে । উল্লেখ্য যে, বৰ্তমান ৰাজ্যৰ ২১ খনকৈ জিলা বানৰ কবলত পৰিছে আৰু চাৰি লক্ষাধিক লোক বানৰ দ্বাৰা প্ৰভাৱিত হৈছে ।
