কামৰূপ, 29 মে’: ৰাজ্যত এতিয়া কাঠফুলাৰ নিচিনাকৈ গঢ় লৈ উঠিছে ড্ৰাগছ ব্যৱসায়ীৰ ৰমৰমীয়া বেহা । ড্ৰাগছৰ ৰম্যভূমিত পৰিণত হৈছে মহানগৰীৰ লগতে দাঁতিকাষৰীয়া অঞ্চল সমূহ । মঙলবাৰে ধাৰাপুৰৰ SOS ৰোডৰ পৰা আটক কৰা হয় ২ ড্ৰাগছ ব্যৱসায়ীক । আজাৰা আৰক্ষী থানা আৰু বৰঝাৰ আৰক্ষী চকীৰ যৌথ অভিযানত ধাৰাপুৰৰ SOS ৰোডৰ পৰা ১ গ্ৰাম হিৰ’ইন, গাঞ্জা সহ আটক কৰে দুই ড্ৰাগছ ব্যৱসায়ীক । ড্ৰাগছ ব্যৱসায়ী দুজন ক্ৰমে ভি আই ভি যোগীপাৰাৰ পৰাগমণি নাথ আৰু চৌকৰ্দৈৰ বিকাশ মেধী ।
আজাৰা আৰক্ষীৰ জালত দুই ড্ৰাগছ ব্যৱসায়ী
দুয়োজন ব্যৱসায়ীৰ পৰা আৰক্ষীয়ে উদ্ধাৰ কৰিবলৈ সক্ষম হয় ৩ টা ম’বাইল আৰু নগদ ধন । আজাৰা আৰক্ষীৰ নিৰ্দেশমৰ্মে বৰঝাৰ আৰক্ষী চকীৰ ভাৰপ্ৰাপ্ত বিষয়া চাহনাজ ইয়াছমিনৰ নেতৃত্বত চলোৱা হৈছিল এই ড্ৰাগছবিৰোধী অভিযান । অনাগত দিনটো এনেদৰে অভিযান চলি থাকিব বুলি জনায় আজাৰা আৰক্ষীয়ে ।
