কাছাৰত পথ নিৰ্মাণক লৈ দুই শতাধিক ৰাইজৰ প্ৰতিবাদ

দক্ষিণ ধলাইৰ জামালপুৰ জিপিৰ পাকাৰপুলৰ পৰা নাৰাইনপুৰ কাছাৰিঘাটলৈ গ্রামীণ পথটো নিৰ্মাণ নোহোৱাক লৈ শনিবাৰে প্ৰতিবাদী সভাত মিলিত হয় স্থানীয় ৰাইজ ৷ পথ নিৰ্মাণৰ দাবীৰে দুই শতাধিক লোকে প্ৰতিবাদ সাব্যস্ত কৰা পৰিলক্ষিত হয় ৷

শিলচৰ,10 জানুৱাৰী : কাছাৰত পথ নিৰ্মাণক লৈ তীব্ৰ প্ৰতিবাদ স্থানীয় ৰাইজৰ ৷ জিলাখনৰ ধলাই নির্বাচনী চক্রৰ দক্ষিণ ধলাইৰ জামালপুৰ জিপিৰ পাকাৰপুলৰ পৰা নাৰাইনপুৰ কাছাৰিঘাট পর্যন্ত গ্রামীণ পথটো নিৰ্মাণ নোহোৱাৰ বাবে স্থানীয় ৰাইজৰ মাজত সৃষ্টি হৈছে তীব্ৰ প্ৰতিক্ৰিয়াৰ ৷

শনিবাৰে দুই শতাধিক ৰাইজে এক প্ৰতিবাদী সভাত মিলিত হৈ চৰকাৰ তথা জনপ্ৰতিনিধিক পথ নিৰ্মাণৰ দাবী জনায় ৷ পথ নিৰ্মাণৰ দাবীৰে ৰাইজে মুখ্যমন্ত্ৰী সৰ্বানন্দ সোণোৱাল, বনমন্ত্ৰী পৰিমল শুক্লবৈদ্যৰ দৃষ্টি আকৰ্ষণ কৰা পৰিলক্ষিত হৈছে ৷

লগতে পঢ়ক : বাইহাটাত ন-পুৰণি বিজেপি কৰ্মীৰ মাজত সংঘাত!