কাছাৰত উদ্ধাৰ বাৰ্মিজ চুপাৰী

সমগ্ৰ ৰাজ্যৰ লগতে বৰাক উপত্যকাতো আৰক্ষী কঠোৰ হৈ পৰিছে অবৈধ ব্যৱসায়ৰ লগত জড়িত হৈ থকা সৰহবৰাহকাৰীৰ বিৰুদ্ধে ৷ তাৰমাজতে কাছাৰ জিলাৰ আৰক্ষী অধীক্ষক বৈভৱ নিম্ভালকৰ চন্দ্ৰকান্তই জিলাখনত এটাৰ পাচত এটা ছিণ্ডিকেটৰ বিৰুদ্ধ অভিযান অব্যাহত ৰাখিছে ।

কাছাৰ,13 জুন : মুখ্যমন্ত্ৰী হিচাপে ড৹ হিমন্ত বিশ্ব শৰ্মাই শপত গ্ৰহণ কৰিয়েই ৰাজ্যত চলি থকা অবৈধ ব্যৱসায়ৰ লগতে ড্ৰাগছ আৰু গৰুৰ চোৰাং সৰহবৰাহ বন্ধ কৰিবলৈ আৰক্ষীক কঠোৰ নিৰ্দেশ প্ৰদান কৰিছে ৷ তাৰপাচতে আৰক্ষীয়ে সমগ্ৰ ৰাজ্যজুৰি অভিযান চলাই বৃহৎ পৰিমাণৰ ড্ৰাগছৰ লগতে ড্ৰাগছ সৰহবাৰহকাৰীক আটক কৰিবলৈ সক্ষম হৈছে ৷ একেদৰে গৰুৰ চোৰাং সৰহবৰাহকাৰীৰ লগতে বাৰ্মিজ চুপাৰী বিৰুদ্ধে অভিযান অব্যাহত ৰাখিছে ৷

বৰাক উপত্যকাতো আৰক্ষী কঠোৰ হৈ পৰিছে এই অবৈধ ব্যৱসায়ৰ লগত জড়িত হৈ থকা সৰহবৰাহকাৰীৰ বিৰুদ্ধে ৷ তাৰ মাজতে কাছাৰ জিলাৰ আৰক্ষী অধীক্ষক বৈভৱ নিম্ভালকৰ চন্দ্ৰকান্তই জিলাখনত এটাৰ পাচত এটা ছিণ্ডিকেটৰ বিৰুদ্ধে অভিযান অব্যাহত ৰাখিছে । কাছাৰৰ কালাইন বাটপাৰাত এটা বাৰ্মিজ চুপাৰী গুদামত কালাইন আৰু কাটিগড়া আৰক্ষীয়ে অভিযান চলাই জব্দ কৰিবলৈ সক্ষম হৈছে কেইবা লক্ষাধিক টকাৰ বাৰ্মিজ চুপাৰী ৷

উল্লেখযোগ্য যে, শনিবাৰে দিনৰ ভাগত এক গোপন সূত্ৰৰ পম খেদি অভিযান চলাই কাটিগড়া আৰু কালাইন আৰক্ষীয়ে ভাটপাৰাৰ চুপাৰী গুদামৰ পৰা 63 বস্তা বাৰ্মিজ চুপাৰী জব্দ কৰিবলৈ সক্ষম হৈছে ৷ আৰক্ষীয়ে ঘটনাস্থলীৰ পৰা এই চুপাৰী ব্যৱসায়ৰ সৈতে জড়িত চাৰিজন লোকক আটক কৰাৰ লগতে তদন্ত অব্যাহত ৰাখিছে ৷

লগতে পঢ়কঃ নাৰেংগীত লাইনচ্যুত মালবাহী ৰে'ল: যোগাযোগ ব্যাহত