কাছাৰ,12 জুনঃ আন এক সফল অভিযান আছাম ৰাইফলছৰ ৷ উগ্ৰপন্থী বিৰোধী অভিযানৰ অংশস্বৰূপে অসমৰ কাছাৰ জিলাত অভিযান চলাই আছাম ৰাইফলছে জব্দ কৰিছে বৃহৎ পৰিমাণৰ গুলী-বাৰুদ ৷
মঙলবাৰে নিশা বিশেষ তথ্যৰ ভিত্তিত 37আছাম ৰাইফলছে কাছাৰ জিলাৰ চাইছাল পুঞ্জীত এক অভিযান চলায় ৷ এই অভিযানৰ সময়তে বাহিনীটোৰ Alfa Companyএ জব্দ কৰিছে 518 জাঁই সজীৱ গুলী ৷ ইয়াৰে 463 জাঁই 9.96 MM আৰু বাকী 55 জাঁই 5.56 MMৰ বুলি বাহিনীটোৱে প্ৰকাশ কৰিছে ৷
উল্লেখ্য যে, দুদিন আগতে এই ঠাইৰ পৰাই লক্ষীপুৰ আৰক্ষীৰ সহযোগত বাহিনীটোৱে জব্দ কৰিছিল এটা AK 56 আৰু M-16 ৰাইফল ৷
