বঙাইগাঁও, 24 আগষ্ট: বঙাইগাঁও জিলাৰ সৃজনগ্ৰাম ৰাজহ চক্ৰৰ অন্তৰ্গত বালাপেট বজাৰত দেওবাৰে নিশা সংঘটিত হয় অগ্নিকাণ্ডৰ ঘটনা ৷ অগ্নিকাণ্ডৰ ফলত বজাৰখনৰ 7 খনকৈ ব্যৱসায়িক প্ৰতিষ্ঠানৰ প্ৰায় 15 লক্ষাধিক টকাৰ সম্পত্তি ভস্মীভূত হোৱা বুলি জানিব পৰা গৈছে ৷
বঙাইগাঁও জিলাৰ সৃজনগ্ৰামত অগ্নিকাণ্ড
নিশা হঠাতে হোৱা এই অগ্নি সংযোগৰ ফলত নিমিষতে বিস্তৰ ক্ষতিসাধন হয় 7 খনকৈ ব্যৱসায়িক প্ৰতিষ্ঠানৰ ৷ পৰৱৰ্তী সময়ত স্থানীয় লোকৰ তৎপৰতাত বজাৰ খন কোনোমতে ৰক্ষা পৰাৰ লগতে, পৰিস্থিতি শাম কাটে ৷ বৰ্তমানেও অগ্নিকাণ্ডৰ প্ৰকৃত কাৰণ জানিব পৰা যোৱা নাই যদিও, শ্বৰ্ট চাৰ্কিটৰ ফলত অগ্নিকাণ্ডৰ ঘটনাটো সংঘটিত হয় বুলি সন্দেহ প্ৰকাশ কৰিছে স্থানীয় ৰাইজে ৷
লগতে পঢ়ক: বকোত বন্যহস্তীৰ উপদ্ৰৱ: কথমপি প্ৰাণৰক্ষা এটা পৰিয়ালৰ
