বঙাইগাঁও, 21 অক্টোবৰ : জিলা প্ৰশাসনৰ নিৰ্দেশনা অনুসৰি বুধবাৰে বঙাইগাঁও অসামৰিক চিকিৎসালয়ত দুৰ্গাপূজা আয়োজক কমিটীৰ সদস্য সকলৰ ক'ভিড পৰীক্ষা কৰে জিলা স্বাস্থ্য বিভাগে । বিশেষকৈ জিলাখনৰ নিউ বঙাইগাঁও আৰু ডাঙতল অঞ্চলৰ ৰে'ল কলনি সমূহকে মিলাই মুঠ 21 খন পূজা কমিটীৰ লোকক এই ক'ভিড পৰীক্ষা কৰোৱা হয় ।
উল্লেখ্য যে, প্ৰতিখন পূজা কমিটীৰ অতি কমেও 11 জনকৈ লোকক এই ক'ভিড পৰীক্ষা কৰাটো বাধ্যতামূলক কৰিছিল জিলা প্ৰশাসনে । আকৌ দশমী পূজাৰ দিনাখন পুনৰ পৰীক্ষা কৰা হ'ব বুলিও জিলা প্ৰশাসনে নিৰ্দেশনা জাৰি কৰিছে । ক'ভিডৰ সকলো নিয়মাৱলী পালন কৰি দুৰ্গাপূজা অনুষ্ঠিত কৰিব লাগিব পূজা কমিটী সমূহে।
লগতে পঢ়ক : বিজয়া দশমীত চিকিমত উপস্থিত থাকিব প্ৰতিৰক্ষা মন্ত্ৰী
