বঙাইগাঁও 24 মেঃ সোমবাৰে বঙাইগাঁও চহৰত জিলা কৃষক মুক্তি সংগ্ৰাম সমিতিয়ে শিখৰ কোম্পানীৰ বাংলা ভাষাত লিখা পোষ্টাৰ বেনাৰ ফালি জ্বলাই প্ৰতিবাদ জনায় । ভাৰতৰ অন্যান্য ৰাজ্যত যদি ৰাজ্যিক ভাষাৰ পোষ্টাৰ বেনাৰ চলে অসমত কিয় নচলিব । পঞ্জাৱত পাঞ্জাবী,গুজৰাটত গুজৰাটী,তামিলনাডুত তামিল ভাষাৰ পোষ্টাৰ থাকিলে অসমত কিয় অসমীয়া ভাষাৰ পোষ্টাৰ বেনাৰ নাথাকিব । সেয়ে বঙাইগাঁও জিলা সমিতি কৃষক মুক্তি সংগ্ৰাম সমিতিয়ে জিলা প্ৰশাসনক এই ক্ষেত্ৰত ব্যৱস্থা গ্ৰহণৰ বাবে এমাহ সময় দিছে ৷ ইয়াৰ ভিতৰত যদি জিলা প্ৰশাসনে এই ক্ষেত্ৰত কোনো ব্যৱস্থা গ্ৰহণ নকৰে তেন্তে কৃষক মুক্তিয়ে নিজাববীয়াকৈ ব্যৱস্থা গ্ৰহণ কৰিব বুলি সকীয়নি প্ৰদান কৰে ।
বঙাইগাঁও জিলাৰ চৰকাৰী কাৰ্যালয়,বিভিন্ন ব্যৱসায়িক প্ৰতিষ্ঠান আদিত অসমীয়া ভাষাৰ সলনি অন্যান্য ভাষাৰ পোষ্টাৰ থকাৰ পিচতো আছু বা অসম সাহিত্য সভাই কোনো ব্যৱস্থা গ্ৰহণ কৰা নাছিল । সোমবাৰে কৃষক মুক্তি সংগ্ৰাম সমিতিয়ে বঙাইগাঁও চহৰত অসমীয়া ভাষা প্ৰতিষ্ঠাৰ বাবে যি ব্যৱস্থা গ্ৰহণ কৰিলে সেয়া বঙাইগাঁও জিলাবাসীয়ে শলাগিছে ৷
