বঙাইগাঁও,27 ফেব্ৰুৱাৰীঃ আগন্তুক অসম বিধানসভা নিৰ্বাচনক কেন্দ্ৰ কৰি বঙাইগাঁও যুৱ সেৱা ভৱনত অনুষ্ঠিত হৈছে বিজেপিৰ সভা । বঙাইগাঁও জিলাৰ তিনিটা সমষ্টিৰ প্ৰতিনিধিৰে পূৰ্ণ এই সভাত উপস্থিত আছিল দলটোৰ উত্তৰ-পূৰ্বাঞ্চলৰ প্ৰভাৰী অজয় জামৱাল আৰু বিজেপিৰ ৰাজ্যিক প্রভাৰী পৱন শৰ্মা, বঙাইগাঁও জিলাৰ সভানেত্ৰী হিমানী অধিকাৰী আদি ৷
বঙাইগাঁও জিলাৰ তিনিটা বিধানসভা সমষ্টিত বিজেপি দলে প্ৰাৰ্থিত্ব দিব নে নাই সেই কথা স্পষ্ট কৰিব পৰা নাই গেৰুৱা দলটোৰ উত্তৰ-পূৰ্বাঞ্চলৰ প্ৰভাৰী অজয় জামোৱাল আৰু অসমৰ সহকাৰী প্ৰভাৰী পৱন শৰ্মাই । ইফালে দলটোৱে বিগত কেইদিনমানৰ পৰা ঘৰে ঘৰে নিৰ্বাচনী প্ৰচাৰ আৰম্ভ কৰিছে ৷ কিন্তু সম্প্ৰতি দলটোৰ প্ৰাৰ্থী বঙাইগাঁও আৰু জিলাখনৰ আন দুটা সমষ্টিত নাই বুলিয়েই ধৰিব পাৰি । গতিকে গেৰুৱা দলটোৰ প্ৰচাৰে মিত্ৰদল অসম গণ পৰিষদক যে প্ৰত্যক্ষভাৱে সহায় কৰিব, সেয়া একপ্ৰকাৰ নিশ্চিত হৈ পৰিছে ।
সমাগত বিধানসভা নিৰ্বাচন সম্পৰ্কে শুকুৰবাৰে বঙাইগাঁও চহৰৰ মাৰোৱাৰী যুৱ মঞ্চত অনুষ্ঠিত জিলাখনৰ তিনিওটা বিধানসভা সমষ্টিৰ ক’ৰ কমিটি অৰ্থাৎ দলটোৰ মূল সমিতিৰ কৰ্মীসকলক লৈ এখন সভা অনুষ্ঠিত কৰে দলটোৰ দুয়োগৰাকী প্ৰভাৰীয়ে ৷
লগতে পঢ়কঃ বাঁহীবাদক প্ৰভাত শৰ্মাৰ দেহাৱসান
