অভয়াপুৰী, 13 মে': বঙাইগাঁও জিলাৰ উত্তৰ অভয়াপুৰীত সোমবাৰে দুপৰীয়া অহা ধুমুহাত সমগ্ৰ অঞ্চলটোৰ ক্ষতিসাধন হয় ৷ মাণিকপুৰ আৰক্ষী থানাৰ অন্তৰ্গত নোৱাপাৰা বজাৰত ধুমুহাৰ ফলত এডাল প্ৰকাণ্ড গছ এখন দোকানৰ ওপৰত উভালি পৰাৰ ফলত দোকানখন ভাগি-ছিগি চুৰমাৰ হয় ৷
উত্তৰ অভয়াপুৰীত ধুমুহাত নিহত 1, আহত 2
ধুমুহাৰ সময়ছোৱাত দোকানখনত ভিতৰত আশ্ৰয় লৈ থকা তিনিজন লোকৰ ভিতৰত গছৰ চেপাত পৰি এজন লোকৰ মৃত্যু হোৱাৰ বিপৰীতে দুজন গুৰুতৰভাৱে আহত হয় । মৃত্যু হোৱা লোকজনৰ ৰামচন্দ্ৰ ৰবিদাস বুলি চিনাক্ত । ৰবিদাস নামৰ ব্যক্তিজনে নোৱাপাৰা বজাৰৰ জোতা চেণ্ডেল চিলাই কৰা কাম কৰিছিল । আহত দুজনক স্থানীয় লোকৰ তৎপৰতাত মাণিকপুৰ আদৰ্শ চিকিৎসালয়ত ভৰ্তি কৰোৱা হয় ৷
