চতিয়া,২৯আগষ্ট: জামুগুৰিহাটত বৃদ্ধি পাইছে চুৰিৰ ঘটনা(Theft Incident increasing in Jamugurihat) ৷ জানিব পৰা মতে চেঁচাসত্ৰ গাঁৱৰ পূৰ্ণ জ্যোতি গোস্বামীৰ বাসগৃহত ৰবিবাৰৰ নিশা সংঘটিত হয় চুৰি কাণ্ড । চেঁচাসত্ৰ গাঁৱৰ পূৰ্ণ জ্যোতি গোস্বামীৰ কন্যাই পৰিয়ালৰ সৈতে অসম চৰকাৰে অনুষ্ঠিত কৰা তৃতীয় বৰ্গৰ পৰীক্ষাত অৱতীৰ্ণ হোৱাৰ বাবে তেজপুৰলৈ যায়(Assam Government recruitment) ৷ সেই সুযোগ গ্ৰহণ কৰি চোৰে গোস্বামীৰ গৃহত চলায় লুটপাত ।
আজি পুৱা গাৱঁৰ মানুহে জোতি গোস্বামীৰ ঘৰৰ দুৱাৰ খোলা প্ৰত্যক্ষ কৰি গোস্বামীক ফোনেৰে অৱগত কৰে । অপ্ৰত্যাশিত ঘটনাটোৰ বিষয়ে অৱগত হোৱাৰ পিছতে গোস্বামীৰ পৰিয়ালটো নিজ গৃহত আহি উপস্থিত হয় আৰু জামুগুৰিহাট আৰক্ষীক ঘটনা সন্দৰ্ভত অৱগত কৰে । গোস্বামীৰ ঘৰত থকা দুটাকৈ গডৰেজৰ লকাৰ ভঙাৰ লগতে চোৰে প্ৰায় ২টোলা সোণৰ গহনা, কাঁহৰ কাঁহী-বাটি, কাঁহৰ বৃহৎ বটা আৰু নগদ ধন লৈ যায় ।
আনপিনে, জামুগুৰিহাটৰ কুসুমটোলাৰ অৱসৰী অধ্যাপক অৰুণ শৰ্মাৰ জীয়ৰীৰ পৰীক্ষাৰ বাবে ঘৰৰ সকলো জীয়ৰীৰ সৈতে ঢেকীয়াজুলিলৈ যোৱাৰ সুযোগ গ্ৰহণ কৰি অৱসৰী অধ্যাপকগৰাকীৰ বাসগৃহত দিনতে চোৰে চলায় লুটপাত । অৱসৰী অধ্যাপকগৰাকীৰ বাসগৃহৰ পৰা ৬৫ হাজাৰ টকা আৰু সোণৰ আ-অলংকাৰ লৈ উধাও হয় চোৰ ৷
জামুগুৰিহাটৰ নিকটৱৰ্তী বিভিন্ন স্থানত ক্ৰমাগতভাৱে বৃদ্ধি হৈ অহা চুৰি কাণ্ড সন্দৰ্ভত উদ্বেগ প্ৰকাশ কৰিছে স্থানীয় ৰাইজে ৷ আৰক্ষীৰ দুৰ্বলতা তথা নিৰ্লিপ্ততাৰ সুযোগ গ্ৰহণ কৰি চুৰি কাৰ্য সংঘটিত হৈ অহা বুলি অভিযোগ উত্থাপন কৰিছে স্থানীয় ৰাইজে(Weakness of Assam police administration) ৷
লগতে পঢ়ক: ৰঙিয়া থানাৰ সমীপতে সংঘটিত হ’ল চুৰি কাণ্ড
