বিশ্বনাথ, 4 ফেব্ৰুৱাৰীঃ পুনৰ পোহৰলৈ আহিল অন্ধবিশ্বাসৰ কৰাল গ্ৰাসৰ ঘটনা ৷ বিশ্বনাথৰ ডিৰিং চাহ বাগিছাত ডাইনীৰ সন্দেহত মহিলাক অত্যাচাৰ ৷ উৰ্শ্বিলা লহাৰ নামৰ চাহ বাগিছাখনৰ ২ নং লাইনৰ এগৰাকী মহিলাক স্থানীয় একাংশ মহিলা একত্ৰিত হৈ ডাইনীৰ সন্দেহত চলাই অত্যাচাৰ ৷ অঞ্চলটোৰ ৰোগাক্ৰান্ত চালমিনা চাংগা নামৰ মহিলাগৰাকীক হত্যা কৰিবলৈ উৰ্শ্বিলাই ডাইনী লগোৱাৰ সন্দেহৰ বাবেই সংঘটিত হ'ল ঘটনাটো ৷ পিচত ঘটনাৰ খবৰ লাভ কৰি বিশ্বনাথ আৰক্ষী ঘটনাস্থলীত উপস্থিত হৈ মহিলাগৰাকীক উদ্ধাৰ কৰি চিকিৎসালয়ত ভৰ্তি কৰে ৷ ঘটনা সংক্ৰান্তত আৰক্ষীয়ে সাবিত্ৰী চাংগা, চিনাকী বাউৰি, ভলেনচিয়া ভেংৰা, অনিতা চাংগা, পুজা বাউৰি আৰু ববিতা ব্ৰিখি নামৰ ৬ গৰাকী মহিলাক কৰায়ত্ত কৰিছে ৷
অন্ধবিশ্বাসৰ কৰাল গ্ৰাসত বিশ্বনাথৰ ডিৰিং চাহ বাগিছা
আৰু পঢ়কঃবিশ্বনাথৰ স্বাস্থ্য কেন্দ্ৰত নাই স্বাস্থ্য বিভাগৰ সা-সুবিধা !
