২০২৫ বৰ্ষত কন্যা ৰাশিৰ জাতক-জাতিকাসকলৰ ৰাশিত কেতু, তৃতীয়ত বুধ, চতুৰ্থত ৰবি, পঞ্চমত চন্দ্ৰ, ষষ্ঠত শুক্ৰ আৰু শনি, সপ্তমত ৰাহু, ভাগ্যস্থানত অৰ্থাৎ নৱমত বৃহস্পতি, আৰু একদশত মংগল গ্ৰহণ অৱস্থান কৰি শুভাশুভ ফল নিৰূপণ কৰিছে ৷
২০২৫ বৰ্ষত কৰ্মৰ ক্ষেত্ৰত কন্যা ৰাশিৰ বাবে কেনে হ'ব ?
২০২৫ বৰ্ষত কন্যা ৰাশিৰ জাতক-জাতিকাসকলৰ কৰ্মস্থান অৰ্থাৎ পঞ্চমত বুধ আৰু কৰ্মস্থানলৈ ৰবি গ্ৰহৰ দৃষ্টি আৰু ভাগ্যস্থানত বৃহস্পতি অৱস্থান কৰাৰ ফলত কৰ্মস্থান বিশেষ শুভাশুভ বুলি কব পাৰি ৷ এই বৰ্ষত এই ৰাশিৰ লোক সকলে কৰ্মক্ষেত্ৰত বিশেষ সফলতা লাভ কৰিব ৷ কৰ্মক্ষেত্ৰত থকা বাধাবোৰ নাইকিয়া হৈ শুভকৰ্মলৈ মনোনিবেশ হ'ব বা গঠনমূলক কৰ্মত নিজকে আত্মনিয়োগ কৰিবৰ বাবে সুযোগ সুবিধা লাভ কৰিব ৷ শিক্ষাবৃত্তিৰ লগত জড়িত লোকসকলৰ বাবে এই বৰ্ষটো খুব ভাল ৷ লগতে কিতাপ, ষ্টেচনাৰী দোকান, পানী, লো আদিৰ ব্যৱসায়ৰ লগত জড়িত হৈ থকা সকলৰ বাবে খুব ভাল হ'ব ৷
২০২৫ বৰ্ষত ধন আৰু ব্যৱসায় ক্ষেত্ৰত কন্যা ৰাশিৰ বাবে কেনে হ'ব ?
২০২৫ বৰ্ষত কন্যা ৰাশিৰ জাতক-জাতিকাসকলৰ ক্ষেত্ৰত ধন আৰু ব্যৱসায় স্থানটো খুব শুভ বুলি ক'ব পাৰি ৷ পঞ্চমত চন্দ্ৰ আৰু সপ্তমত ৰাহু গ্ৰহ অৱস্থান কৰি ধন আৰু ব্যৱসায়ৰ দিশত শুভ ফল নিৰূপণ কৰিছে ৷ ব্যৱসায়-বাণিজ্যত অধিক ধন লাভ হ'ব ৷ হাতলৈ ধন আহিব ৷ গাড়ী বা সম্পত্তি ক্ৰয় কৰিব বিচৰা সকলৰ বাবেও আহি থকা বছৰটো ভাল হ'ব ৷ যৌথ ব্যৱসায়ত সফলতাৰে আগবাঢ়ি যাব পাৰিব ৷
২০২৫ বৰ্ষত স্বাস্থ্যৰ ক্ষেত্ৰত কন্যা ৰাশিৰ বাবে কেনে হ'ব ?
চলিত বৰ্ষত কন্যা ৰাশিৰ জাতক-জাতিকাসকলে স্বাস্থ্যৰ ক্ষেত্ৰত শুভ বুলি কব পাৰি ৷ স্বাস্থ্যৰ উন্নতি হ'ব ৷
২০২৫ বৰ্ষত প্ৰেম-বিবাহৰ ক্ষেত্ৰত কন্যা ৰাশিৰ বাবে কেনে হ'ব ?
২০২৫ বৰ্ষত প্ৰেম-বিবাহৰ ক্ষেত্ৰত কন্যা ৰাশিৰ জাতক-জাতিকাসকলৰ কিছু মধ্যম ফলাফল দেখুবাব পাৰে ৷ সপ্তমত ৰাহু গ্ৰহ অৱস্থান কৰাৰ ফলত প্রেমৰ ক্ষেত্ৰত কিছু বাধা আহিব ৷ প্ৰেম বিচ্ছেদ হ'ব পাৰে ৷ বিবাহৰ যোগ আছে যদিও বিবাহৰ ক্ষেত্ৰত সাৱধানতা অৱলম্বন কৰাটো ভাল হ'ব ৷
২০২৫ বৰ্ষত বিদ্যাৰ ক্ষেত্ৰত কন্যা ৰাশিৰ বাবে কেনে হ'ব ?
২০২৫ বৰ্ষত বিদ্যাৰ ক্ষেত্ৰত কন্যা ৰাশিৰ জাতক-জাতিকাসকলৰ বাবে শুভ বুলি ক'ব পাৰি ৷ চতুৰ্থত ৰবি আৰু পঞ্চমত চন্দ্ৰ গ্ৰহ অৱস্থান কৰি বিদ্যাৰ দিশটো খুব শুভ কৰি তুলিছে ৷ ছাত্ৰ-ছাত্ৰীসকলে বিদ্যাৰ ক্ষেত্ৰত সফলতা লাভ কৰিব, পৰীক্ষাৰ্থী সকলে ভাল ফলাফল লাভ কৰিবলৈ সক্ষম হ'ব ৷
লগতে পঢ়ক
