বিহালী, 26 অক্টোবৰ: বিহালীত অব্যাহত আছে বন্যহস্তীৰ তাণ্ডৱ। বিহালী বনাঞ্চল পৰা দৈনিক ওলাই অহা বন্যহস্তীৰ সন্ত্ৰাসত এতিয়া ভীতিগ্ৰস্ত দাতিকাষৰীয়া অঞ্চলৰ লোক । বিগত কেইটামান দিন ধৰি এটা বন্যহস্তীৰ দলে বিহালী বিভিন্ন অঞ্চলত প্ৰৱেশ কৰি 15 টাকৈ বাসগৃহ ভাঙি লণ্ড ভণ্ড কৰাৰ লগতে তহিলং কৰিছে খেতিপথাৰ। ইফালে বন বিভাগে এই বন্যহস্তীৰ দলটোক খেদিবলৈ অহৰহ চেষ্টা কৰি আছে যদিও হাতী দলটোক খেদিবলৈ সক্ষম হোৱা নাই। যোৱা এসপ্তাহ ধৰি অঞ্চলটোত এটা দঁতাল হাতীয়ে সৃষ্টি কৰি আহিছে সন্ত্ৰাসৰ ৷
বৃহস্পতিবাৰে সমষ্টিৰ বিধায়ক তথা কেবিনেট মন্ত্ৰী ৰঞ্জিৎ দত্তই সমষ্টিত প্ৰৱেশ কৰি দুৰ্ভগীয়া পৰিয়াল সমূহৰ খবৰ লোৱাৰ লগতে ক্ষতিগ্ৰস্ত 17 টাকৈ পৰিয়ালক ব্যক্তিগতভাৱে আৰ্থিক সাহায্য প্ৰদান কৰে ৷ লগতে দলীয় কৰ্মী সকলকো ক্ষতিগ্ৰস্ত পৰিয়াল সমূহক সহায় সহযোগিতা কৰিবলৈ নিৰ্দেশ দিয়াৰ লগতে চৰকাৰী যি সা-সুবিধা আছে সেই সমূহ পোৱা ক্ষেত্ৰত সহায় কৰিবলৈ আহ্বান জনায় ।
দুৰ্ভগীয়া পৰিয়াল সমূহ ক্ৰমে হৈছে,ধনমায়া ভুজেল,বাবলু ঔৰাং,দিপক চুৰিনহ,সমিৰ লহাৰ,বিভাচ মাহাল,হিমা দত্ত,কুমাৰ পাংমি,অশোক পাংমি, ভিমবাবাদুৰ পাংমি,ৰঞ্জিৎ মাগাৰ,সবিতা পাংমি,মনমোহন দাস,চুকৰোম মুণ্ডা,কেশৱ মুণ্ডা,দবন্তি দেৱী,ক্ষমাদেৱী পাঠক,লক্ষীমনি মুণ্ডা ।
এই সাহায্য বিতৰণৰ সময়ত মন্ত্ৰী গৰাকীৰ সৈতে থাকে বিহালীৰ বিজেপি মণ্ডল কমিটিৰ সভাপতি ৰঞ্জন জ্যোতি দাস,নিজ বিহালী জিলা পৰিষদৰ সদস্যা দীপিকা শৰ্মা ঢাকাল,বিহালী খণ্ড উন্নয়ন বিষয়াকে ধৰি কেইবাজনো পঞ্চায়ত প্ৰতিনিধি ।
