বিহালী, 29 মাৰ্চঃ তেজপুৰ লোকসভা সমষ্টিৰ ৰাজনৈতিক যুঁজখনত এতিয়া ছাৰৰ ৰাজনীতিয়ে তোলপাৰ লগাই থকাৰ সময়তে নিজৰ স্থিতি স্পষ্ট কৰি দিয়ে কংগ্ৰেছী প্ৰাৰ্থী এম জি ভি কে ভানুৱে ৷ পল্লৱলোচন দাসক ছাৰ বুলি কোৱা নাছিলো, তেঁওৰ চকীখনক সন্মান কৰিছিলো আৰু সেই সন্মানৰ বাবেই তেঁওক ছাৰ সম্বোধন কৰিছিলো বুলি উল্লেখ কৰে ভানুৱে ৷
9 নং তেজপুৰ লোকসভা সমষ্টিৰ কংগ্ৰেছ দলৰ প্ৰক্ষেপিত প্ৰাৰ্থী এম জি ভি কে ভানুৱে বৃহস্পতিবাৰে বিহালীত 15ৰো অধিক নিৰ্বাচনী কাৰ্যালয় মুকলি কৰে ৷ নিৰ্বাচনী কাৰ্যালয় মুকলি কৰাৰ উপৰিও ঐতিহ্যমণ্ডিত গাংমৌথানত আশীৰ্বাদ গ্ৰহণ কৰে ভানুৱে ৷ আনহাতে পল্লৱলোচন দাস সন্দৰ্ভত সাংবাদিকে সোধা প্ৰশ্নৰ উত্তৰত তেঁও কয় যে, "পল্লৱ সৰু ল'ৰা, তেওঁএতিয়াও ৰাজনৈতিকভাৱে পৰিপক্ক হৈ উঠা নাই ৷
এই সমূহৰ মাজত এটা কথা নিশ্চিত যে, এইবাৰ তেজপুৰত ছাৰ আৰু চালানীৰ ৰাজনীতি খুবেইজমি উঠিব ৷
