বিশ্বনাথ, 2 এপ্ৰিল : বিশ্বনাথ ৰাজহ চক্ৰৰ অন্তৰ্গত পেটুলিবাৰীত শুকুৰবাৰে জিলা প্ৰশাসনে চলায় উচ্ছেদ অভিযান । বিশ্বনাথ জিলা প্ৰশাসনে আৰক্ষী আৰু অৰ্ধ সামৰিক বাহিনীৰ এটা বৃহৎ দল লগত লৈ প্ৰায় 34 বিঘা একঠা চৰকাৰী ভূমি বেদখলমুক্ত কৰিবলৈ কৰিবলৈ আহে(Illegal land grabbing in Biswanath) । পেটুলিবাৰী অঞ্চলত চৰকাৰী ভূমি বেদখল কৰা লোকসকলে বিশ্বনাথ জিলা প্ৰশাসনৰ এই অভিযানত স্বতঃস্ফূৰ্তভাৱে নিজ নিজ ঘৰ-দুৱাৰ ভাঙি সহযোগিতা আগবঢ়ায় ।
এই উচ্ছেদ অভিযানত প্ৰশাসনক সহযোগিতা আগবঢ়োৱাৰ উচ্ছেদিত লোকসকলক পুনৰ সংস্থাপনৰ দাবী জনাই বেদখলকাৰী লোকসকলৰ লগতে আমছু আৰু নেমছুৰ নেতা-কৰ্মীয়ে(Demanding for rehabilitation of evicted family) ৷ ইফালে উক্ত স্থানত নিদিৰ্ষ্ট কেইজনমান লোকৰ বিৰুদ্ধেহে প্ৰশাসনে অভিযান চলোৱাৰ অভিযোগ কৰে একাংশ উচ্ছেদিত লোকে ৷ অঞ্চলটোত 200 বিঘাতকৈ অধিক চৰকাৰী ভূমি বেদখলকাৰীৰ দখলৰ পৰা মুক্ত কৰিবলৈ আহ্বান জনাই আমছু, নেমছু তথা ৰাইজে ।
বান-খহনীয়াৰ কবলত পৰি বিভিন্ন স্থানৰ পৰা অহা এই লোকসকলক দালাল চক্ৰই এই ভূমি বিক্ৰী কৰাৰো অভিযোগ কৰিছে উচ্ছেদিত লোকসকলে ৷ চৰকাৰী ভূমি কিদৰে দালাল চক্ৰই বিক্ৰী কৰিবলৈ পালে, সেই সন্দৰ্ভত তদন্ত কৰি দালাল চক্ৰক উচিত শাস্তি প্ৰদানৰ দাবী জনাইছে উচ্ছেদিত লোকসকলৰ লগতে আমছু আৰু নেমছুৱে ।
লগতে পঢ়ক : Eviction Drive at Badarpur: কৰিমগঞ্জৰ বদৰপুৰত চলিল প্ৰশাসনৰ বুলড'জাৰ
