বিশ্বনাথ,৩০ ছেপ্টেম্বৰ: বিশ্বনাথ চাৰিআলিৰ কৃষক কল্যাণ ছীড নামৰ সাৰৰ ব্যৱসায় প্ৰতিষ্ঠানে অতি নিম্নমানৰ কিষাণ ব্ৰেণ্ডৰ বায়' ডি অ পি আৰু বায়' এম অ 'পি নামৰ দুবিধ সাৰ বিক্ৰী কৰাৰ অভিযোগ উত্থাপন কৰে স্থানীয় কৃষকসকলে ৷ অভিযোগ অনুসৰি কম মূল্যৰ এই সাৰ দুবিধে যথেষ্ট ক্ষতিসাধন কৰাৰ লগতে সাৰ দুবিধে মাটিৰ উৰ্বৰতা বিনষ্ট কৰে । ইয়াৰ উপৰিও খেতিৰ শস্য উৎপাদন যথেষ্ট হ্ৰাস কৰে ।
যাৰ বাবে ৰাজ্যৰ কৃষি বিভাগে এই সাৰ বিক্ৰী কৰাৰ অনুমোদন দিয়া নাই বুলিও জিলা কৃষি বিভাগে জানিবলৈ দিছে । কিন্তু বিশ্বনাথৰ কৃষি কল্যাণ ছীড নামৰ সাৰৰ প্ৰতিষ্ঠানখনে কৃষি বিভাগৰ অজ্ঞাতে প্ৰায় ৩৫ মেট্ৰিক টন এই সাৰ নিজ গুদামত মজুত ৰাখি বিক্ৰী কৰাৰ তথ্য লাভ কৰাৰ পিছতে জিলা কৃষি বিভাগে উক্ত সাৰসমূহ বিক্ৰী বন্ধ কৰি দিয়াৰ লগতে নমুনা সংগ্ৰহ কৰি ইতিমধ্যে পৰীক্ষাৰ বাবে প্ৰেৰণ কৰিছে ।
