বিশ্বনাথ, 20 এপ্ৰিলঃ ব্ৰহ্মপুত্ৰত গা ধুবলৈ গৈ সন্ধানহীন হোৱা ২ যুৱকৰ মৃতদেহ উদ্ধাৰ৷ বিশ্বনাথৰ বিহালীৰ বাঁহবাৰীত শুকুৰবাৰে ব্ৰহ্মপুত্ৰত গা-ধুবলৈ গৈ সন্ধানহীন হৈছিল অভিজিৎ শইকীয়া আৰু গুৱাহাটীৰ পাঞ্জাবাৰীৰ গৌতম বৰা । সন্ধানহীন যুৱক দুজনৰ সন্ধানত শনিবাৰে পুৱ ৭ বজাৰ পৰা এছডিআৰএফ আৰু এনডিআৰএফ বাহিনীয়ে চলাইছিল অভিযান ৷ ৩ খন ৰাবাৰ ব'টসহ মুঠ ২০ জন জোৱানে অভিযান চলোৱাৰ সমান্তৰালভাৱে স্থানীয় মাছমৰীয়াইও জালেৰে অভিযান কাৰ্যসূচীত সহায় কৰে ৷ অৱশেষত, ঘটনাস্থলীৰ পৰা 700 মিটাৰ দূৰত্বত উদ্ধাৰ হয় সন্ধানহীন যুৱক দুজনৰ মৃতদেহ ।
ব্ৰহ্মপুত্ৰত উদ্ধাৰ মৃতদেহ
আনহাতে, দুয়োটা মৃতদেহ মৰণোত্তৰ পৰীক্ষাৰ বাবে প্ৰেৰণ কৰিছে বিহালীলৈ ৷ মৃত অভিজিত মাথোঁ 1 মাহ পূৰ্বেই আৱদ্ধ হৈছিল বিবাহ পাশত ৷
