বৰপেটাৰোড, 9 নৱেম্বৰ : বৰপেটাৰোডৰ ৰেল ষ্টেচনৰ সন্মুখত অৱস্থিত হনুমান মন্দিৰৰ নৱনিৰ্মিত তিনি মহলীয়া অতিথিশালাটো দেওবাৰে সন্ধিয়া উদ্বোধন কৰা হয় ৷ উদ্বোধন কৰে ৰাজ্যিক বিজেপিৰ সভাপতি তথা বিধায়ক ৰনজিৎ কুমাৰ দাস আৰু ৰাজ্য সভাৰ সাংসদ ভূৱনেশ্বৰ কলিতাই ৷
উদ্বোধনী সভাত ভূৱনেশ্বৰ কলিতাই কয় নৱ নিৰ্মিত ভৱনটোৱে অতি কম খৰছতে সমাজৰ বিভিন্ন শ্ৰেণীৰ লোকসকলৰ অনুষ্ঠানসমূহ সুকলমে অনুষ্ঠিত কৰাত যথেষ্ট সকাহ দিব ৷ ভৱনটো আটকধুনীয়াকৈ নিৰ্মাণ কৰাৰ বাবে মন্দিৰ পৰিচালনা সমিতিক ধন্যবাদ জনায় ৷
সভাত বিধায়ক ৰনজিৎ দাসে কয় যে বৰপেটাৰোডৰ মৰা মানাহৰ ষঠ পূজা ঘাটৰ বাবে চৰকাৰৰ তৰফৰ পূৰ্বে 50 লাখ টকা দিয়া হৈছে ৷ অৱশিষ্ট কামৰ বাবে আৰু 15 লাখ টকা আৰু এটি সূৰ্য্য স্তম্ভ নিৰ্মাণৰ বাবে 8 লাখ টকা চৰকাৰৰ তৰফৰ পৰা আগবঢ়োৱাৰ কথা ঘোষণা কৰে ৷
অতিথিশালা নিৰ্মাণ সমিতিৰ সভাপতি শিৱজী প্ৰসাদে সভাৰ উদ্দেশ্য ব্যাখ্যা কৰা আৰু কৃষ্ণ প্ৰসাদে আঁত ধৰা অনুষ্ঠানটোত জিলা উপায়ুক্ত মুনীন্দ্ৰ শৰ্মা আৰু আৰক্ষী অধীক্ষক ডাঃ ৰবীন কুমাৰে শুভেচ্ছামূলক বক্তব্য আগবঢ়ায় ৷
লগতে পঢ়ক : প্ৰেমিকে ভাইৰেল কৰিলে গোপন ফটো; আত্মহননৰ চেষ্টা প্ৰেমিকাৰ
