জনীয়া, 2 অক্টোবৰ: বৰপেটাত বৃদ্ধি পাইছে চোৰৰ উপদ্ৰৱ (Thefts rise in Barpeta) ৷ শেহতীয়াকৈ কলগাছিয়াত সংঘটিত হৈছিল এক চুৰিকাণ্ড (Theft at Kalgachia) ৷ ২৫ ছেপ্টেম্বৰত বৰপেটা জিলাৰ কলগাছিয়া আৰক্ষী থানাৰ (Kalgachia Police Station) অন্তৰ্গত বালিকুৰি আৰক্ষী চকীৰ কাষতে লাগি থকা বালিকুৰি নৈপৰীয়া প্ৰাথমিক স্বাস্থ্যকেন্দ্ৰৰ এগৰাকী চিকিৎসাকৰ্মীৰ আৱাসগৃহত সংঘটিত হৈছিল এই চুৰিকাণ্ড ।
ঘটনাৰ বিৱৰণী অনুসৰি, নুৰতাজ তালুকদাৰ নামৰ চিকিৎসাকৰ্মীগৰাকীয়ে দেওবাৰে অৰ্থাৎ 25 ছেপ্টেম্বৰত চিকিৎসালয় বন্ধ থকাৰ বাবে শনিবাৰে অৰ্থাৎ 24 ছেপ্টেম্বৰত নিজ ঘৰলৈ গৈছিল ৷ তাৰেই সুযোগ গ্ৰহণ কৰি চোৰে চলাইছিল চাফাই অভিযান ৷ চোৰে চিকিৎসাকৰ্মীগৰাকীৰ আৱাসগৃহৰ তলা ভাঙি ভিতৰত সোমাই সকলো আচবাব লণ্ডভণ্ড কৰাৰ লগতে সোণৰ আ-অলংকাৰৰ সৈতে নগদ পাঁচ হেজাৰ টকা চুৰি কৰি নিয়ে বুলি জানিবলৈ দিছিল চিকিৎসাকৰ্মীগৰাকীয়ে ৷
এই ঘটনাৰ পিছত সেই দিনাই অৰ্থাৎ 26 ছেপ্টেম্বৰত কলগাছিয়া আৰক্ষী থানাৰ অন্তৰ্গত বালিকুৰি আৰক্ষী চকীত ভুক্তভোগীয়ে দাখিল কৰিছিল এক এজাহাৰ । এজাহাৰৰ ভিত্তিত বালিকুৰি আৰক্ষীয়ে চলাইছিল অভিযান প্ৰক্ৰিয়া ৷ অভিযানকালত শনিবাৰে বালিকুৰিৰ পৰা আৰক্ষীয়ে আটক কৰে তিনি চোৰক (Thieves arrested at Kalgachia) ৷ আটকাধীন চোৰকেইটা কেইটা ক্ৰমে বাহাৰুল ইছলাম, শ্বহিদুল ইছলাম আৰু মকিবুল ইছলাম বুলি আৰক্ষী সূত্ৰে প্ৰকাশ ।
ইফালে চোৰকেইটাৰ পৰা ভুক্তভোগীৰ সামগ্ৰী উদ্ধাৰ কৰি কঠোৰ শাস্তি প্ৰদানৰ দাবী জনাইছে ভুক্তভোগীয়ে ৷
লগতে পঢ়ক: চাইকেল চোৰ কৰিবলৈ আহি গৰুপিটন খালে চোৰে
