পাঠশালা,3 আগষ্টঃ সোমবাৰে মণিপুৰত উগ্ৰপন্থীৰ নৃশংস আক্ৰমণত মৃত্যু হোৱা পাঠশালাৰ বীৰ ছহিদ প্ৰণয় কলিতাৰ বাসগৃহত উপস্থিত হয় বিজেপি সভাপতি ৰণজিৎ দাস ৷ পৰিয়ালৰ সবিশেষ বুজ লৈ সংস্থাপনৰ বিষয়ে আলোচনা কৰে পৰিয়ালৰ লগত ৷ ইয়াৰ লগতে তেওঁ জানিবলৈ দিয়ে যে, ছহিদ প্ৰণয় কলিতাৰ সমাধি ক্ষেত্ৰত ৰাজ্যিক বিজেপিয়ে স্থাপন কৰিব ছহিদ গৰাকীৰ আৱক্ষ মূৰ্তি l
ছহিদ গৰাকীৰ আদ্যশ্ৰাদ্ধৰ দিনাখনেই উন্মোচন কৰা হ'ব প্ৰতিমূৰ্তি l ইতিমধ্যে এই কামৰ বাবে বিজেপিৰ সভাপতি ৰণজিৎ দাসে নিৰ্দেশ দিছে বিশিষ্ট ভাস্কৰ্য শিল্পীক l সোমবাৰে ছহিদ গৰাকীৰ ঘৰত উপস্থিত হৈ বিজেপিৰ ৰাজ্যিক সভাপতি গৰাকীয়ে ছহিদ গৰাকীৰ প্ৰতিচ্ছবিত শ্ৰদ্ধাঞ্জলি জ্ঞাপন কৰাৰ লগতে শোক সন্তপ্ত পৰিয়ালৰ প্ৰতি গভীৰ সমবেদনা জ্ঞাপন কৰে l আনহাতে পৰিয়ালৰ বিভিন্ন অভাৱ অভিযোগৰ বুজ লৈ পৰিয়ালৰ সদস্যক চাকৰি প্ৰদান কৰা সন্দৰ্ভত মুখ্যমন্ত্ৰীৰ সৈতে আলোচনা কৰি সিন্ধান্ত গ্ৰহণ কৰিব বুলি জানিবলৈ দিয়ে ৰণজিৎ দাসে l
লগতে পঢ়কঃবিশ্বনাথৰ এটি 5 বছৰীয়া অসাধাৰণ শিশু
