পাঠশালা,10 আগষ্ট : নিৰাপত্তাজনিত সমস্যাত ভুগিছে পাঠশালাৰ যুৱতীয়ে ৷ শনিবাৰে নিশা পাঠশালাৰ জ্যোতিনগৰত সংঘটিত হয় এক ভয়ংকৰ ঘটনা ৷ উদণ্ড বাইকাৰ্ছে যুৱতীৰ দেহত পিকাই থৈ যায় ৷ এই ঘটনাৰ পাছতে অঞ্চলটোত সৃষ্টি হয় তীব্ৰ চাঞ্চল্যৰ ৷ বৰ্তমানলৈ এই ঘটনাৰ লগত কোন জড়িত সেয়া জানিব পৰা হোৱা নাই যদিও যুৱতীসকলৰ মাজত এক আতংকময় পৰিৱেশৰ সৃষ্টি হয় ৷ ইতিমধ্যেই এই ঘটনা চ'ছিয়েল মিডিয়াত ভাইৰেল হৈ পৰিছে ৷
উল্লেখ্য যে বিগত কেইদিনমান ধৰি পাঠশালাত বৃদ্ধি পাইছে এই ঘটনা ৷ পূৰ্বেও আন বহু কলেজীয়া ছাত্ৰীক পিকাই থৈ গৈছিল কোনো দুবৃত্তই ৷ বাইকত আহি এই ঘটনা সংঘটিত কৰি থৈ যায় বুলি মন্তব্য কৰে ছাত্ৰীসকলে ৷ যুৱতীসকলে অঞ্চলটোত সৃষ্টি হোৱা এই সমস্যা অতি শীঘ্ৰে সমাধান কৰিবলৈ দাবী জনায় প্ৰশাসনক ৷
