বৰপেটা, ১০ ফেব্ৰুৱাৰী: বৰপেটা জিলাত দিনক দিনে বৃদ্ধি পাইছে জুৱাৰ আড্ডা । একাংশ অসাধু চক্ৰই জিলাখনৰ বিভিন্ন স্থানত চলাই গৈছে অবৈধ জুৱাৰ মুকলি আড্ডা । বিশেষকৈ জিলাখনৰ পালহাজী অঞ্চলত বৃদ্ধি পোৱা এই অসামাজিক কাৰ্যকলাপৰ বিৰুদ্ধে কঠোৰ হোৱা দেখা গ'ল বৰপেটা আৰক্ষীক । জুৱাৰ মুকলি আড্ডা চলাই থকাৰ সময়তে অভিযান চলাই বৰপেটা আৰক্ষীয়ে আটক কৰে দুজন জুৱাৰীক । জুৱাৰী দুজন ক্ৰমে ছফিকুল শিকদাৰ আৰু শাহিনুৰ আখতাৰ ৷ আৰক্ষীয়ে লগতে জুৱা খেলত ব্য়ৱহৃত বিভিন্ন সামগ্ৰী আৰু নগদ ধন জব্দ কৰে ।
বৰপেটা আৰক্ষীৰ অভিযানত আটক দুই জুৱাৰী
বৰপেটা থানাৰ ভাৰপ্ৰাপ্ত বিষয়া তপন মেধিয়ে জনোৱা মতে দুয়োজনৰ বিৰুদ্ধে কঠোৰ আইনী ব্য়ৱস্থা গ্ৰহণ কৰা হব লগতে আগন্তুক দিনটো অঞ্চলটোত জুৱা খেলৰ বিৰুদ্ধে আৰক্ষীয়ে অভিযান অব্য়াহত ৰাখিব বুলি জনাই আৰক্ষী বিষয়া গৰাকীয়ে ।
লগতে পঢ়ক:ছয়গাঁৱত ড্ৰাগছ সহ এজনক আটক
