বৰপেটাত জব্দ 49 হাজাৰ 200 টকাৰ জালনোট

বৃহস্পতিবাৰে নিশা বৰপেটাৰ 31 নং ৰাষ্ট্ৰীয় ঘাইপথৰ কাষৰ এখন ধাবাত উদ্ধাৰ বৃহৎ পৰিমানৰ জালনোট । বৰপেটাৰোডৰ বি এইছ কলেজৰ সমীপৰ এখন ধাবাত এহাল যুৱক-যুৱতীৰ পৰা উদ্ধাৰ কৰে জালনোটখিনি ৷

বৰপেটা,9এপ্ৰিল: ক্ৰমাৎ অসামাজিক কাৰ্যকলাপৰ ঘাটি হৈ পৰিছে বৰপেটাৰ 31 নং ৰাষ্ট্ৰীয় ঘাইপথ ৷ ড্ৰাগচকে ধৰি জালনোট সৰবৰাহৰ ঘাটিলৈ পৰিণত হৈছে বৰপেটা জিলাৰ বিভিন্ন অঞ্চল ৷ বৃহস্পতিবাৰে নিশা বৰপেটাৰ 31 নং ৰাষ্ট্ৰীয় ঘাইপথৰ কাষৰ এখন ধাবাত উদ্ধাৰ বৃহৎ পৰিমানৰ জালনোট । বৰপেটাৰোডৰ বি এইছ কলেজৰ সমীপৰ এখন ধাবাত এহাল যুৱক-যুৱতীৰ পৰা উদ্ধাৰ কৰে জালনোটখিনি ৷

ঘটনা অনুসৰি বৰপেটা ৰোডৰ কাজকন্যা নামৰ ধাবাখনত নিশাৰ আহাৰ গ্ৰহণ কৰিবলৈ আহি যুৱক-যুৱতী হালে 4 খন 200 টকীয়া জালনোট দিয়াৰ পাচতে মেনেজাৰে গ্ৰহণ নকৰাত এক হুলুস্থুলীয়া পৰিৱেশৰ সৃষ্টি কৰে যুৱক-যুৱতী হালে ৷ ধাবাৰ মেনেজাৰে নোটখিনি জাল বুলি সন্দেহ কৰি সোধপোছ কৰাত ওলোটাই মেনেজাৰকে ধমকি দিয়ে দুই যুৱক যুৱতীয়ে ৷ নিজকে আৰক্ষীৰ লোক বুলি পৰিচয় দি মেনেজাৰ গৰাকীক অশালীন ব্যৱহাৰ কৰাত ধাবা কৰ্তৃপক্ষই হাউলী আৰক্ষীক খবৰ দিয়ে ৷

বৰপেটাত জব্দ 49 হাজাৰ 200 টকাৰ জালনোট

ঘটনাস্থলীত হাউলী থানাৰ আৰক্ষী উপস্থিত হৈ যুৱক যুৱতীহালক সোধ-পোছ কৰাত তেওঁলোকৰ পৰা মুঠ 49 হাজাৰ 200 টকাৰ জালনোট উদ্ধাৰ কৰে। উদ্ধাৰ হোৱা আটাইখিনি জালনোট 200 টকীয়া ৷ লগে লগে জালনোট সৰবৰাহকাৰী দুই যুৱক-যুৱতীক আটক কৰাৰ লগতে AS-26-9252 নম্বৰৰ স্কুটিখনো জব্দ কৰে আৰক্ষীয়ে ৷ সম্প্ৰতি জালনোট খিনি ক'ৰ পৰা আনিছিল এই সন্দৰ্ভত আৰক্ষীয়ে তদন্ত অব্যাহত ৰাখিছে ৷

লগতে পঢ়ক: নগাঁৱত বৃহৎ পৰিমাণৰ ড্ৰাগছ উদ্ধাৰ