বৰপেটা,৯ জুন : বৰপেটা জিলাৰ তাৰাবাৰী থানাৰ ভাৰপ্ৰাপ্ত আৰক্ষী বিষয়া জ্যোতিষ দাসৰ নেতৃত্বত অব্যাহত আছে ড্ৰাগছ বিৰোধী অভিযান । পুনৰ তাৰাবাৰী আৰক্ষীৰ জালত বৃহৎ পৰিমাণৰ নিচাজাতীয় টেবলেটসহ এটা ড্ৰাগছ সৰবৰাহকাৰী । ধৃত ড্ৰাগছ সৰবৰাহকাৰীটো তাৰাবাৰী থানাৰ অন্তৰ্গত বৰভিঠা গাঁৱৰ ছাহাদাত আলী(২৯) বুলি জানিবলৈ দিছে আৰক্ষীৰ সূত্ৰই ৷
তাৰাবাৰী থানাৰ ভাৰপ্ৰাপ্ত আৰক্ষী বিষয়া জ্যোতিষ দাসৰ নেতৃত্বত এটি আৰক্ষীৰ দলে গোপন সূত্ৰৰ খবৰৰ ভিত্তিত অভিযান চলাই গ্ৰেপ্তাৰ কৰে ছাহাদাত আলীক । ধৃত ছাহাদাত আলীৰ ৰান্ধনীঘৰৰ পৰা ১,২০০ টা নিচাজাতীয় টেবলেট, ২৬টা প্লাষ্টিকৰ খালী কণ্টেইনাৰ, এটা চিৰিঞ্জ জব্দ কৰে আৰক্ষীয়ে ।
ধৃত ছাহাদাত আলীৰ বিৰুদ্ধে তাৰাবাৰী আৰক্ষীয়ে ১২২/২১ নম্বৰত গোচৰ আৰু NDPS আইনৰ ১২২(বি) ধাৰাৰ অধীনত নিজাববীয়াকৈ গোচৰ ৰুজু কৰি বুধবাৰে ছাহাদাত আলীক বৰপেটা আদালতলৈ প্ৰেৰণ কৰে বুলি জানিবলৈ দিয়ে ভাৰপ্ৰাপ্ত আৰক্ষী বিষয়া জ্যোতিষ দাসে ।
লগতে পঢ়ক: কৃষকৰ পৰা 20,000 মেট্ৰিক টন ধান ক্ৰয়ৰ সিদ্ধান্ত ত্ৰিপুৰা চৰকাৰৰ
