জনীয়া, ১১ জুন: আৰক্ষীয়ে কঠোৰ পদক্ষেপ গ্ৰহণৰ পিচতো ৰাজ্যত অব্যাহত আছে ড্ৰাগছৰ ৰমৰমীয়া বেহা (Anti Drugs mission in Assam) ৷ নৱ প্ৰজন্মক ধ্বংসৰ গৰাহলৈ ঠেলি দিয়া ড্ৰাগছ, নিচাজাতীয় সামগ্ৰী বিৰুদ্ধে বিভিন্ন সময়ত ৰাজ্যৰ ভিন্ন প্ৰান্তত আৰক্ষীয়ে অভিযান চলাই আহিছে যদিও সম্পূৰ্ণ ৰূপে নিৰ্মূল কৰিব পৰা নাই এই বেহা ৷ ৰাজ্য়ৰ আন জিলাৰ লগতে বৰপেটাতো অবাধে চলি আছে এনে বেহা । ইয়াৰ মাজতেই জিলাখনৰ কলগাছিয়াত আটক ড্ৰাগছ সৰবৰাহকাৰী (Drugs paddler arrested in Kalgasia)।
কলগাছিয়াৰ হালধীয়াপথাৰত দেওবাৰে এজন ড্ৰাগছ সৰবৰাহকাৰীক আৰক্ষীয়ে গ্ৰেপ্তাৰ কৰে (Drugs seized in Kalgasia)। ধৃত ড্ৰাগছ সৰবৰাহকাৰীটো হালধীয়াপথাৰ গাঁৱৰ বাহাৰুল ইছলাম । আৰক্ষীয়ে ড্ৰাগছ সৰবৰাহকাৰী বাহাৰুল ইছলামৰ পৰা দুটা কন্টেইনাৰ জব্দ কৰিবলৈ সক্ষম হৈছে ।
ৰাইজে অভিযোগ কৰা মতে, বৰপেটা জিলাৰ সৰভোগ আৰক্ষী থানাৰ অন্তৰ্গত খৰিচালা বজাৰ ড্ৰাগছৰ ঘাটিত পৰিণত হৈছে । একাংশ ড্ৰাগছ সৰবৰাহকাৰীয়ে ইয়াৰ মুকলিকৈ বেহা চলাই আছে । এনে অভিযোগ উত্থাপিত হৈ অহাৰ মাজতেই আজি ৰাইজে ড্ৰাগছ সৰবৰাহকাৰী বাহাৰুল ইছলামক কৰায়ত্ত কৰে (Sarbhog Police raid)। ৰাইজে আৰক্ষীক খবৰ দিয়াত ঘটনাস্থলীত সৰভোগ আৰক্ষী উপস্থিত হৈ ড্ৰাগছখিনি জব্দ কৰাৰ লগতে বাহাৰুল ইছলামক গ্ৰেপ্তাৰ কৰে ।
ইয়াৰ পিচতেই আৰক্ষীয়ে সৰবৰাহকাৰীটোৰ পৰা দুটা ড্ৰাগছৰ কন্টেইনাৰ জব্দ কৰে । ধৃত বাহাৰুল ইছলাম দীৰ্ঘ দিন ধৰি ড্ৰাগছৰ বেহাৰ লগত জৰিত থকা বুলি ৰাইজে অভিযোগ উত্থাপন কৰিছে কৰে । যেতিয়ালৈকে ড্ৰাগছৰ বেহা বন্ধ নহয় তেতিয়ালৈকে আৰক্ষীৰ ড্ৰাগছৰ বিৰুদ্ধে অভিযান চলিয়েই থাকিব লাগে বুলি ৰাইজে দাবী জনাইছে ।
স্থানীয় ৰাইজে অভিযোগ কৰি কয় যে, কলগাছিয়াৰ অলিয়ে-গলিয়ে এতিয়া সুলভ মূল্যত উপলব্ধ মাৰাত্মক ড্ৰাগছ । কলগাছিয়া অঞ্চলটোৰ একাংশ নৱ প্ৰজন্মই ড্ৰাগছ সেৱন কৰি নিজৰ জীৱনটো ধ্বংসৰ গৰাহলৈ ঠেলি নিছে বুলিও ৰাইজে ক্ষোভেৰে কয় ।
লগতে পঢ়ক:Drugs peddler arrested in Rangia: ৰঙিয়াত আৰক্ষীৰ ড্ৰাগছ বিৰোধী অভিযান
