জনীয়া, ২১ জুলাই : জনীয়া সমষ্টিৰ অন্তৰ্গত বিভিন্ন এলেকাত বানপানীৰ ভয়াবহতা কিছু পৰিমাণে কমিছে যদিও বৰ্তমানলৈকে আশ্ৰয় শিবিৰতে দিন কটাবলগীয়া হৈছে বন্যাৰ্ত সকলে ৷ ইয়াৰোপৰি, এই বানাক্ৰান্ত সকলে পশুধনক লৈ গভীৰ সংকটত পৰিছে ৷ এই লোকসকলৰ গৰু - ম'হৰ বাবে গোটাই ৰখা খেৰ পানীত উঠি যোৱাৰ লগতে বহুসংখ্যক খেৰ পচিও গৈছে ৷ সম্প্ৰতি কলপাত আৰু বিভিন্ন গছৰ পাত খোৱাই জীয়াই ৰখা হৈছে পশুধনক ।
পশুধনৰ খাদ্যক লৈ সংকটত বানাক্ৰান্ত
চৰকাৰৰ ফালৰ পৰা অলপ পৰিমাণে চাউল - দাইলৰ সাহাৰ্য লাভ কৰিছে যদিও পশুধনৰ বাবে পোৱা নাই প্ৰাপ্ত সাহাৰ্য । মানুহৰ পৰিৱৰ্তে পশুধনক জীয়াই ৰাখিবৰ বাবে পশু খাদ্য যোগান ধৰিবলৈ চৰকাৰৰ ওচৰত কাতৰ আহ্বান জনাইছে পশুধনৰ গৰাকী সকলে ৷
