বৰপেটা, ৭ জুলাই : বৰপেটাৰ চেঙা সমষ্টিৰ নগাঁৱৰ সমীপৰ হাঁহচৰা গাঁৱত শিশুৰ সলিল সমাধি ৷ ঘৰৰ কাষতে থকা পুখুৰীত নাঁও চলাই থকা অৱস্থাত পানীত পৰি মৃত্যু হয় শিশুটোৰ ৷ নিহত শিশুটোৰ নাম ইমৰান আলি বুলি জানিব পৰা গৈছে ৷ হাঁহচৰা গাঁৱৰ ৰাহুল আমিনৰ পাঁচ বছৰীয়া সন্তানটোৱে ঘৰৰ কাষতে থকা পুখুৰীত অকলে নাঁও চলাই আছিল ৷ কিন্তু দুৰ্ভাগ্যবশতঃ নাঁও চলাই থকাৰ সময়তে পানী পৰি যায় ইমৰান ৷ ঘৰৰ লোকৰ অজ্ঞাতে পানীত পৰি যোৱা ইমৰানক বিচাৰি চলাথ কৰে পৰিয়ালৰ লোকে ৷
প্ৰায় এঘন্টামান সময়ত বিচাৰ খোচাৰ কৰাৰ পিচতে পুখুৰীৰ পানীৰ পৰা উদ্ধাৰ হয় ইমৰানৰ মৃতদেহ ৷ শিশুটো সন্ধানহীন হৈ পৰাৰ পিচতেই পৰিয়ালৰ লোকে ঘৰৰ পৰা কিছু আতৰত নাঁওখন উপঙি থকা দেখা পাইছিল যদিও নাওঁ চলাই থকা কথাৰ বিষয়ে জ্ঞাত নাছিল ৷ কিন্তু তাৰ পিচতেই গাঁৱৰ লোকে পুখুৰীত বিচাৰ কৰি পানীত পৰা উদ্ধাৰ কৰে শিশুটোৰ মৃতদেহ ৷ মৃতদেহটো ইতিমধ্যে মৰনোত্তৰ পৰীক্ষাৰ বাবে বৰপেটা মেডিকেল কলেজ হাস্পতাললৈ প্ৰেৰন কৰা হৈছে ৷
লগতে পঢ়কঃ জলেশ্বৰত বানত ছিঙিল চিলাৰভিটা মথাউৰি
