বৰপেটা,22 জানুৱাৰীঃ এফালে ন্যায়ালয়ত ন্যায় লাভৰ যুঁজ আনফালে ৰাজ্যজুৰি তীব্ৰ প্ৰতিবাদ । বুধবাৰেও অসমত অব্যাহত আছে কা বিৰোধী আন্দোলন । বুধবাৰে বৰপেটাৰ ভেল্লাত অনুষ্ঠিত হয় এক প্ৰতিবাদী সভা । ভেল্লা আঞ্চলিক কা বিৰোধী মঞ্চৰ উদ্যোগত ভেল্লা উচ্চতৰ মাধ্যমিক বিদ্যালয়ৰ খেলপথাৰত অনুষ্ঠিত হয় জনতাৰ জাগৰণ সভা । এই প্ৰতিবাদী সভাত ভাষণ প্ৰদান কৰে জ্যেষ্ঠ সাংবাদিক অজিত কুমাৰ ভূঞা, হাইদৰ হুছেইন , মনজিৎ মহন্ত আৰু লাচিত বৰদলৈ , মেহদী আলম বৰা আদি কেইবাজনো লোকে ।
সমান্তৰালকৈ, ডিব্ৰুগড় বিশ্ববিদ্যালয়ৰ আহবান মৰ্মে মাৰ্ঘেৰিটা মহাবিদ্যালয়ৰ সন্মূখত আছু আৰু ছাত্ৰ একতা সভাই প্ৰতিবাদ সাব্যস্ত কৰে ৷ মাৰ্ঘেৰিটা মহাবিদ্যালয়ৰ মূল প্ৰৱেশদ্বাৰৰ সন্মূখত "কা" ৰ প্ৰতিলিপি দাহ কৰাৰ লগতে ক’লা বেজ পৰিধান কৰি উত্তাল প্ৰতিবাদ সাব্যস্ত কৰিলে মহাবিদ্যালয়খনৰ ছাত্ৰ একতা সভাই ৷
লগতে পঢ়ক-"কা" বিৰোধী আন্দোলনত অসমীয়া ৰাইজে এখোজ ন্যায় পাইছেঃ ৰিপুন বৰা
