জনীয়া, ১৫ জুন: কলগাছিয়া ৰাজহচক্ৰৰ অন্তৰ্গত কাউৰজাহী গাঁৱত বিগত এসপ্তাহ ধৰি বেকী(Beki) নৈৰ খহনীয়াই কালৰূপ ধাৰণ কৰিছে । যিকোনো মুহূৰ্ততে আপোন ঘৰ, খেতি মাটি হেৰুওৱাৰ শংকাত বিনিদ্ৰ ৰজনী কটাবলগীয়া হৈছে নৈপৰীয়া ৰাইজে ৷
আনহাতে, খহনীয়াৰ বাবে গৃহহীন হৈ পৰা পৰিয়ালবোৰে মুকলি আকাশৰ তলত নিশা কটাবলগীয়া হোৱাৰ লগতে কেইবাটাও পৰিয়ালৰ ঘৰ-মাটি উচন হোৱাত আতংকিত হৈ পৰিছে স্থানীয় লোকসকল । ইতিমধ্যে খহনীয়াত উচন হৈছে বিঘাই বিঘাই মৰাপাটৰ খেতি ।
স্থানীয় লোকে জানিবলৈ দিয়া মতে, খহনীয়াত সদ্য নিৰ্মিত ৰিং বান্ধ জাহ যোৱাৰ লগতে প্ৰায় 15 টা পৰিয়াল গৃহহীন হৈ পৰিছে ৷ ইয়াৰ পাচতো স্থানীয় বিধায়ক তথা জনপ্ৰতিনিধিয়ে কোনো ধৰণৰ গুৰুত্ব প্ৰদান নকৰাৰ ফলত অঞ্চলটোৰ লোকসকলে অসহায় অনুভৱ কৰা পৰিলক্ষিত হৈছে ৷ ভয় তথা শংকাত দিন পাৰ কৰা ৰাইজে সেয়েহে শীঘ্ৰে খহনীয়া প্ৰতিৰোধ কৰি তেওঁলোকৰ জীৱন সুৰক্ষিত কৰাৰ বাবে ব্যৱস্থা গ্ৰহণ কৰিবলৈ বৰপেটা জিলা প্ৰশাসনক আহ্বান জনাইছে ৷
লগতে পঢ়ক:গৰম বন্ধ শেষ হ'ল যদিও নোখোলে বিদ্যালয়
জনীয়া, ১৫ জুন: কলগাছিয়া ৰাজহচক্ৰৰ অন্তৰ্গত কাউৰজাহী গাঁৱত বিগত এসপ্তাহ ধৰি বেকী(Beki) নৈৰ খহনীয়াই কালৰূপ ধাৰণ কৰিছে । যিকোনো মুহূৰ্ততে আপোন ঘৰ, খেতি মাটি হেৰুওৱাৰ শংকাত বিনিদ্ৰ ৰজনী কটাবলগীয়া হৈছে নৈপৰীয়া ৰাইজে ৷
আনহাতে, খহনীয়াৰ বাবে গৃহহীন হৈ পৰা পৰিয়ালবোৰে মুকলি আকাশৰ তলত নিশা কটাবলগীয়া হোৱাৰ লগতে কেইবাটাও পৰিয়ালৰ ঘৰ-মাটি উচন হোৱাত আতংকিত হৈ পৰিছে স্থানীয় লোকসকল । ইতিমধ্যে খহনীয়াত উচন হৈছে বিঘাই বিঘাই মৰাপাটৰ খেতি ।
স্থানীয় লোকে জানিবলৈ দিয়া মতে, খহনীয়াত সদ্য নিৰ্মিত ৰিং বান্ধ জাহ যোৱাৰ লগতে প্ৰায় 15 টা পৰিয়াল গৃহহীন হৈ পৰিছে ৷ ইয়াৰ পাচতো স্থানীয় বিধায়ক তথা জনপ্ৰতিনিধিয়ে কোনো ধৰণৰ গুৰুত্ব প্ৰদান নকৰাৰ ফলত অঞ্চলটোৰ লোকসকলে অসহায় অনুভৱ কৰা পৰিলক্ষিত হৈছে ৷ ভয় তথা শংকাত দিন পাৰ কৰা ৰাইজে সেয়েহে শীঘ্ৰে খহনীয়া প্ৰতিৰোধ কৰি তেওঁলোকৰ জীৱন সুৰক্ষিত কৰাৰ বাবে ব্যৱস্থা গ্ৰহণ কৰিবলৈ বৰপেটা জিলা প্ৰশাসনক আহ্বান জনাইছে ৷
লগতে পঢ়ক:গৰম বন্ধ শেষ হ'ল যদিও নোখোলে বিদ্যালয়
Please write to us, for media partnership and Ad-sales inquiries. Email: adops@etvbharat.com
