বৰপেটা, 16 জানুৱাৰীঃ লোক সংস্কৃতি আৰু সত্ৰীয়া সংস্কৃতিৰ সংমিশ্ৰণত সত্ৰ নগৰী বৰপেটাত ভোগালী বিহু এক স্বকীয় ৰূপত পালন কৰি অহা হৈছে ৷ সত্ৰীয়া সংস্কৃতিৰ সংযম আৰু নামৰ প্ৰভাৱে সামৰি লৈছে ভোগৰ উৎসৱ ভোগালী বিহুৰ দৰে লৌকিক উৎসৱকো ৷ বৰপেটা সত্ৰত মাঘৰ পহিলা তাৰিখটো বৰদোমাহী হিচাপে পালন কৰা হয় ৷ পুহৰ 29 তাৰিখে উৰুকা পালন কৰাৰ পাচত 1 মাঘৰ পুৱা সত্ৰৰ নৈমিত্তিক প্ৰসংগৰ পিচত পূৰ্বৰে পৰা চলি অহা ৰীতিৰে সত্ৰৰ টুপৰ চোতালত বিৰিণাৰে সজা মেজিত অগ্নি সংযোগ কৰা হয় ৷ পুহৰ সংক্ৰান্তিৰ পৰা 4 মাঘলৈ বৰপেটা সত্ৰত পাঁচ দিনীয়াকৈ মাঘৰ দোমাহী পালন কৰা হয় ৷ উল্লেখ্য যে,সত্ৰীয়া ৰীতি অনুসৰি বৰপেটা সত্ৰৰ টুপৰ চোতালত মেজি প্ৰজ্বলন কৰাৰ পিচতহে সত্ৰ নগৰীখনৰ হাটীয়ে হাটীয়ে সজা মেজি সমুহ প্ৰজ্বলন কৰা হয় ৷
সত্ৰীয়া পৰম্পৰাৰে মেজি প্ৰজ্বলন বৰপেটা সত্ৰত
লগতে পঢ়কঃ ব্যতিক্ৰমী সত্ৰীয়া পৰম্পৰাৰে বৰপেটাবাসীৰ হেঁপাহৰ উৰুকা
