বৰপেটা,১৪ জুন: অহা ১৭ জুনৰ পৰা ১৯ জুনলৈ মহাৰাষ্ট্ৰৰ পুনেৰ শিৱাজী ছত্ৰপতি স্প'ৰ্টছ কমপ্লেক্সত অনুষ্ঠিত হ’ব নেচনেল কাৰাটে চেম্পিয়নশ্বীপ ৷ দেশৰ বিভিন্ন ৰাজ্যৰ সমান্তৰালভাৱে এই চেম্পিয়নশ্বীপত অংশগ্ৰহণ কৰিব অসমৰ এটা দলে । মঙলবাৰে পুনেলৈ বুলি ৰাওনা হৈছে অসমৰ ৪৬ জনীয়া দলটো(Assam team to national karate championship held in Pune) ।
কেডেট, জুনিয়ৰ, ২০ অনুৰ্ধ আৰু ছিনিয়ৰ শাখাত অনুষ্ঠিত হবলগীয়া প্ৰতিযোগিতাখনত অসমৰ হৈ অংশ লব কমনৱেলথ ছেম্পিয়নশ্বীপত সোণৰ পদক বিজয়ী দুই খেলুৱৈ নিচাদ আলী, হেমফু বংজাঙৰ লগতে মুঠ ৪৬ গৰাকী খেলুৱৈয়ে ৷ ইউনিফাইড কাৰাটে এছ'ছিয়েচন আছামৰ হৈ প্ৰশান্ত পি শইকীয়া, মনজিৎ হাজৰিকাৰ নেতৃত্বত মহাৰাষ্ট্ৰলৈ ৰাওণা হৈছে দলটো ৷ উল্লেখ্য যে, উক্ত ছেম্পিয়নশ্বীপৰ পৰাই উজবেকিস্তানত অনুষ্ঠিত হ’বলগীয়া এচিয়ান কাৰাটে ছেম্পিয়নশ্বীপ আৰু তুৰ্কীত অনুষ্ঠিত হ’বলগীয়া বিশ্ব কাৰাটে ছেম্পিয়নশ্বীপলৈ ভাৰতীয় দল নিৰ্বাচিত কৰা হব ৷
দলটোৱে সমূহ অসমবাসীৰ আৰ্শীবাদ কামনা কৰিছে । সমান্তৰালভাৱে দলটোক লৈ যথেষ্ট আশাবাদী প্ৰশিক্ষক তথা অভিভাৱকসকল ।
লগতে পঢ়ক: ন্যায্য প্ৰাপ্তিৰ দাবীত গোৱালপাৰাত অংগনবাড়ী কৰ্মী-সহায়িকাৰ প্ৰতিবাদ
