বৰপেটা, 20 এপ্ৰিল : বিজেপিয়ে প্ৰতাৰণা আৰু ধৰ্মীয় মেৰুকৰণৰ ৰাজনীতি কৰিছে ৷ সমাজখনক ভাগ ভাগ কৰাৰ নিম্নমানৰ ৰাজনীতি কৰি অসমৰ স্বাৰ্থৰ বিৰুদ্ধে গৈ বিজেপিয়ে যি নাগৰিকত্ব সংশোধনী বিধেয়ক আনিবলৈ গৈছে তাৰ বিৰুদ্ধে অসমৰ ৰাইজে প্ৰতিবাদ কৰিছে ৷ কংগ্ৰেছৰ প্ৰাৰ্থীক জয়যুক্ত কৰি অসমৰ জনসাধাৰণে বিজেপিৰ প্ৰতাৰণাৰ প্ৰত্যুত্তৰ দিব বুলি শনিবাৰে বৰপেটাত মন্তব্য কৰে ডিব্ৰুগড় লোকসভা সমষ্টিৰ কংগ্ৰেছ প্ৰাৰ্থী পৱন সিং ঘাটোৱাৰে ৷
বিজেপিৰ প্ৰতাৰণাৰ প্ৰত্যুত্তৰ দিব জনসাধাৰণে
বৰপেটা আৰু কোকৰাঝাৰ লোকসভাত মিত্ৰজোঁটৰ প্ৰাৰ্থী শোচনীয়ভাৱে পৰাজিত হ'ব বুলি মন্তব্য কৰে জ্যেষ্ঠ কংগ্ৰেছ নেতাগৰাকীয়ে ৷ বৰপেটা, ধুবুৰী আৰু কোকৰাঝাৰত কংগ্ৰেছেই জয়ী হ'ব বুলি দাবী কৰে জ্যেষ্ঠ কংগ্ৰেছ নেতাগৰাকীয়ে ৷ বৰপেটাত কংগ্ৰেছ প্ৰাৰ্থী আব্দুল খালেকে এক লক্ষাধিক ভোটৰ ব্যৱধানত জয়ী হ'ব বুলিও ঘাটোৱাৰে ভৱিষ্যদ্বাণী কৰে ৷
