জনীয়া, 30 এপ্ৰিল: সমগ্ৰ দেশ তথা ৰাজ্যত এতিয়া কৰ'ণা মহামাৰীয়ে কাল ৰূপ ধাৰণ কৰিছে ৷ দিনক দিনে বৃদ্ধি পাইছে কৰণাত আক্ৰান্ত হোৱা লোকৰ সংখ্যাই ৷ সমান্তৰলাকৈ বৰপেটা জিলাতো ভয়ংকৰ হৈ পৰিছে কৰ'ণা পৰিস্থিতি ।
জিলা খনত কৰ'ণা ৰোগ প্ৰতিৰোধ কৰাৰ উদ্দেশ্যে জনীয়াৰ বিধায়ক ড° হাফিজ ৰফিকুল ইছলাম আৰু কলগাছিয়া ৰাজহ চক্ৰৰ চক্ৰ বিষয়াই স্বাস্থ্য পৰীক্ষা কৰিবলৈ চিকিৎসা কৰ্মী সকলক এক নিৰ্দেশ দিয়ে ৷ এই নিৰ্দেশ মৰ্মে শুকুৰবাৰে পুৱাৰে পৰা চিকিৎসা কৰ্মীৰ এটা দলে কলগাছিয়াৰ বিভিন্ন প্ৰান্তত বহু লোকৰ স্বাৱ পৰীক্ষা কৰে ।
আজিৰ এই স্বাৱ পৰীক্ষাত কলগাছিয়া বজাৰত এজন বৃদ্ধ লোকৰ দেহত কৰ'ণা পজিটিভ ধৰা পৰাৰ লগতে কলগাছিয়াৰ বৰপেটা অসামৰিক চিকিৎসালয়তো তিনি গৰাকী লোকৰ দেহতো নতুনকৈ ধৰা পৰিছে ক'ভিড পজেটিভ ।
ইতিপূৰ্বে চিকিৎসালয় খনৰ কোৱাৰেনটাইন কেন্দ্ৰটোত ৩৫ গৰাকীকৈ লোক ক'ৰণাত আক্ৰান্ত হৈ চিকিৎসাধীন হৈ আছে ৷ বৰ্তমান জিলাখনত কৰ'ণাত আক্ৰান্ত হোৱা লোকৰ সংখ্যা হৈছে মুঠ ৩৯ গৰাকী বুলি স্বাস্থ্য বিভাগে সদৰি কৰিছে ।
লগতে পঢ়ক-পুনৰ আলফা(স্বা)ৰ দুই সদস্যৰ আত্মসমৰ্পন
