বুধবাৰৰ দিনটোত বৰপেটাত কৰ'ণাত আক্ৰান্ত হ'ল ১৭৮ গৰাকী লোক

বৰপেটা জিলাতো জটিল ৰূপ ধাৰণ কৰিছে কৰ'ণা পৰিস্থিতিয়ে ৷ বুধবাৰৰ দিনটোত বৰপেটা জিলাত পুনৰ 178 গৰাকী লোক নতুনকৈ কৰ'ণাত আক্ৰান্ত হৈছে ৷ ইতিমধ্যে জিলাখনত কৰ'ণাত আক্ৰান্ত হোৱা লোকৰ সংখ্যা মুঠ 1578 গৰাকীলৈ বৃদ্ধি পায় ৷

বৰপেটা, 6মে': সমগ্ৰ দেশৰ লগতে ৰাজ্যতো ভয়াৱহ হৈ পৰিছে কৰ'ণা পৰিস্থিতি ৷ কৰ’ণাত আক্ৰান্ত হৈ প্ৰতিদিনে হাজাৰ হাজাৰ লোক মৃত্যুমুখত পৰিছে ৷ তাৰ সমান্তৰালকৈ বৰপেটা জিলাতো জটিল ৰূপ ধাৰণ কৰিছে কৰ'ণা পৰিস্থিতিয়ে ৷ বুধবাৰৰ দিনটোত বৰপেটা জিলাত পুনৰ 178 গৰাকী লোক নতুনকৈ কৰ'ণাত আক্ৰান্ত হৈছে ৷ ইতিমধ্যে জিলাখনত কৰ'ণাত আক্ৰান্ত হোৱা লোকৰ সংখ্যা মুঠ 1578 গৰাকীলৈ বৃদ্ধি পালে ৷

বুধবাৰৰ দিনটোত বৰপেটাত কৰ'ণাত আক্ৰান্ত হ'ল ১৭৮ গৰাকী লোক

ইপিনে, বুধবাৰৰ দিনটোত জিলাখনত এগৰাকী লোকে প্ৰাণ হেৰুওৱাত মৃতকৰ সংখ্যা হৈছে গৈ 16 গৰাকী ৷ শেহতীয়া তথ্য অনুসৰি 427 গৰাকী কৰ’ণাত আক্ৰান্ত ৰোগীয়ে আৰোগ্য লাভ কৰাৰ পাচত চিকিৎসাধীন ৰোগীৰ সংখ্যা 1129 গৰাকী বুলি স্বাস্থ্য বিভাগৰ তৰফৰ পৰা জানিব পৰা গৈছে ৷

লগতে পঢ়ক: শোণিতপুৰত কৰ’ণাত আক্ৰান্ত হৈ দুজনৰ মৃত্যু