তামুলপুৰ, 7 ডিচেম্বৰঃ গোৰেশ্বৰ ৰাজহ চক্ৰৰ অন্তৰ্গত দেওচুঙা গাঁৱত এটি 6 বছৰীয়া শিশুক ধৰ্ষণৰ ঘটনা পোহৰলৈ আহিছে ৷ দেওচুঙা গাঁৱৰ এগৰাকী 14 বছৰীয়া কিশোৰে একে গাঁৱৰে 6 বছৰীয়া শিশু এটিক ধৰ্ষণ কৰাৰ অভিযোগ উত্থাপিত হৈছে ৷ 4 ডিচেম্বৰত এই ধৰ্ষণকাণ্ড সংঘটিত কৰাৰ অভিযোগ কিশোৰী গৰাকীৰ পৰিয়ালৰ লোকৰ ৷
গোৰেশ্বৰৰ দেওচুঙাত 6 বছৰীয়া শিশুক ধৰ্ষণ
নিৰ্যাতিতা নাবালিকা গৰাকীৰ ভাষ্য অনুসৰি তেওঁৰ পৰিয়ালৰ লোকে শুৱাগপুৰ আৰক্ষী চকীত অভিযুক্ত ধৰ্ষণকাৰী কিশোৰজনৰ বিৰুদ্ধে এখন এজাহাৰ দাখিল কৰিছে । শুৱাগপুৰ আৰক্ষীয়ে তেওঁলোকৰ এজাহাৰৰ ভিত্তিত অভিযুক্তক গেপ্তাৰ কৰি জেল হাজোতলৈ প্ৰেৰণ কৰে ৷ উল্লেখ্য যে ধৃত কিশোৰগৰাকীয়ে পূৰ্বেও এনে ঘটনা সংঘটিত কৰিছে বুলি আৰক্ষীৰ আগত স্বীকাৰোক্তি কৰে ৷
