বাক্সা, ১০ ডিচেম্বৰ: ভয়াৱহ অগ্নিকাণ্ডত জ্বলি ছাৰখাৰ হ'ল বাক্সাৰ কুঠুৰীঝাৰ গাঁৱৰ এজন লোকৰ বাসগৃহ । বুধবাৰে সন্ধিয়া প্ৰায় ৬.৩০ বজাত জুই লাগে মহম্মদ সক্কত আলীৰ ঘৰত । নিমিষতে জুইত জাহ যায় বাসগৃহৰ অধিকাংশ ।
কিতাপ-পত্ৰৰ লগতে আন বহুতো গুৰুত্বপূৰ্ণ নথি-পত্ৰ জ্বলি ছাঁই হয় । মহম্মদ সক্কত আলীৰ বৰ পুত্ৰৰ নেশ্যনেল স্কীল ডেভেলপমেন্ট কৰ্প'ৰেছনৰ লগতে পি এম কে ভি ৱাইৰ সকলো নথি-পত্ৰও জাহ যায় জুইত ।
লগতে জ্বলি ছাৰখাৰ হয় এন আৰ চিৰ নথি-পত্ৰও । এই সমগ্ৰ ঘটনা কোনো লোকে ইচ্ছাকৃত ভাৱে সংঘটিত কৰাৰ অভিযোগ তুলিছে পৰিয়ালটোৱে । ঘৰত কোনো নথকাৰ সুযোগতে দুৰ্বৃত্তই অগ্নি সংযোগ কৰাৰ সন্দেহ প্ৰকাশ কৰিছে সক্কত আলীৰ পৰিয়ালে ।
লগতে পঢ়ক:শিৱসাগৰত আছু আৰু অগপ কৰ্মীৰ বিজেপিত যোগদান
