বাক্সা, ১৪ জুন : বাক্সা জিলাৰ অন্তৰ্গত মানস ৰাষ্ট্ৰীয় উদ্যানৰ সীমান্তৱৰ্তী শিমলাৰ ১২৭ E আন্তঃৰাষ্ট্ৰীয় ঘাইপথৰ ওচৰৰ এখন পথাৰত বিলুপ্তপ্ৰায় হাড়গিলাৰ জাকে শোভাবৰ্ধন কৰিছে । স্থানীয় লোকে জানিবলৈ দিয়া অনুসৰি, এই পথৰ কাষতে থকা পথাৰখনত বাৰিষা আহিলেই খাদ্যৰ সন্ধানত হাড়গিলাৰ জাকে ভৰি পৰে ৷ হাড়গিলাৰ এই নান্দনিক দৃশ্য প্ৰতিজন পথচাৰীয়ে নিজ মোবাইলৰ কেমেৰাত বন্দী কৰি ৰাখিছে ।
হাড়গিলাই শোভাবৰ্ধন কৰিছে বাক্সাৰ পথাৰ
উল্লেখ্য যে, এসময়ত শদিয়াৰ পৰা ধুবুৰীলৈকে এই চৰাইবিধে বাৰিষাৰ পথাৰ ভৰি পৰিছিল যদিও একাংশ লোকৰ কোপদৃষ্টিত ক্ৰমান্বয়ে বিলুপ্তিৰ দিশলৈ আগবাঢ়িছে । বিৰল প্ৰজাতিৰ এই চৰাইবিধ প্ৰকৃতিপ্ৰেমী সংগঠনসমূহে সংৰক্ষণৰ ব্যৱস্থা কৰিলেহে বিলুপ্তিৰ পৰা ৰক্ষা পৰিব ।
