বাক্সা, 26 ডিচেম্বৰ : বছৰৰ শেষৰটো দেওবাৰত ৰাজ্যৰ বিভিন্ন বনভোজ স্থলী লোকে লোকাৰণ্য হৈ পৰিছে (Crowd in picnic spot in Assam)৷ চৌদিশে এতিয়া বনভোজৰ যো-জা ৷ প্ৰকৃতিৰ সুন্দৰ সুন্দৰ স্থান সমূহলৈ গৈ মনৰ মানুহখিনিৰ সৈতে এসাঁজ খাই নতুন বছৰক আদৰাৰ পূৰ্ণ প্ৰস্তুতিত ব্যস্ত এতিয়া সকলো ৷
বাক্সা জিলাৰ চৌকি হৈছে তেনে এক মনোৰম স্থান য’ত ভিৰ কৰিছেহি বহুতো বনভোজৰ দলে ৷ সমান্তৰালকৈ সমাগম হৈছে দেশী-বিদেশী পৰ্যটকৰ (Tourist at picnic spot in Assam) ৷ সৌন্দৰ্য ৰাণী ৰূপে খ্যাত বাক্সাৰ চৌকিয়ে শীতৰ আগমনৰ লগে লগে হাত বাউল দি মাতে প্ৰকৃতি প্ৰেমীক ৷ অপৰূপ সৌন্দৰ্যৰে ভৰপূৰ চৌকি হৈ পৰিছে বনভোজৰ অন্যতম আকৰ্ষণ স্থলী ৷
বাক্সা জিলাৰ সীমান্তৱৰ্তী তথা ভাৰত-ভূটান সীমান্তত লাগি আছে সৌন্দৰ্য ৰাণী চৌকি ৷ প্ৰকৃতিৰ বিনন্দীয়া ৰূপৰ মাজত নিজকে বিলীন কৰি দিবলৈ আজি চৌকিত কেইবাসহস্ৰাধিক লোকৰ সমাগম হোৱা পৰিলক্ষিত হৈছে ৷
ভূটানৰ পৰা বৈ অহা পাগলা আৰু দিয়াৰ সংগম স্থলৰ কুলু কুলু শব্দ তথা শীতল আৰু নিৰ্মল পানীয়ে পৰ্যটকৰ মন মুহিবলৈ সক্ষম হৈছে । ইতিমধ্যে “হিমালয় চংখ্ৰী চেৰফাং ছচাইট’’ ৰ উদ্যোগত পৰিচালনা কৰা চৌকিৰ বনভোজস্থলীত যি কোনো অপ্ৰীতিকৰ ঘটনা সংঘটিত হ’বলৈ নিদিয়ে বুলি জানিবলৈ দিয়ে ছ’চাইটিৰ সম্পাদক মাগ্ৰাম বসুমতাৰীয়ে ৷
লগতে পঢ়ক : Christmas 2021 celebration : ৰাজ্যজুৰি উলহ-মালহেৰে পালন বৰদিন
