বাক্সা, 26 ছেপ্তেম্বৰঃ বাক্সা জিলাৰ তামুলপুৰ মহকুমাৰ ১ নং জামুগুৰী প্ৰাথমিক বিদ্যালয়ৰ প্ৰাংগণত শনিবাৰে কুমাৰীকাটা আঞ্চলিক কুডুষ সাহিত্য সভাৰ উদ্যোগত আদিবাসী কুডুষ (উৰাং) সাহিত্য সভাৰ ১৭ তম প্ৰতিষ্ঠা দিৱস পালন কৰা হয় । ২০০৩ চনৰ আজিৰ দিনটোতে অসম কুডুষ(উৰাং ) সাহিত্য সভাই জন্ম লাভ কৰিছিল । সেই অনুসৰি আজিৰ দিনটোত কুডুষ (উৰাং) আদিবাসী জনগোষ্ঠীটোৱে সাহিত্য সভাৰ প্ৰতিষ্ঠা দিৱস হিচাপে উদযাপন কৰে ।
লগতে পঢ়কঃ প্ৰশ্নকাকত কেলেংকাৰীঃ সাঙোৰ খাইছে অগপৰ যুৱ নেতাৰ নাম !
প্ৰতিষ্ঠা দিৱস উপলক্ষে কুমাৰীকাটাৰ আঞ্চলিক কুডুষ (উৰাং) সাহিত্য সভাৰ উপদেষ্টা ক্লেমেন্ট খালখোৰ সভাপতিত্বত অনুষ্ঠিত হয় এখনি সভা । সভাত মুখ্য অতিথি ৰূপে কেন্দ্ৰীয় সমিতিৰ যুটিয়া সম্পাদক ডেভিদ বাৰা উপস্থিত থাকি কয় যে, আদিবাসী উৰাং সকলক ভাষা আৰু সংস্কৃতি ওপৰত গুৰুত্ব দিবলৈ আহ্বান জনায় । লগতে তেওঁ কয় যে, বড়ো জনগোষ্ঠীৰ লোক সকলো আদিবাসী সম্প্ৰদায়ৰ আৰু তেওঁলোক ভাষা সংস্কৃতিৰে নিজৰ পৰিচয় দাঙি ধৰিবলৈ সক্ষম হৈছে । ঠিক তেনেদৰে আদিবাসী উৰাং সকলকো ভাষা সংস্কৃতিক অগ্ৰাধিকাৰ দি নিজৰ পৰিচয় দাঙি ধৰিবলৈ আহ্বান জনায় ।
