আমগুৰি, 7 জুন : অসমৰ হজযাত্ৰী সকলৰ (Pilgrims travelling to Mecca Sharif) বাবে এটা ভাল খবৰ ৷ মক্কা শ্বৰীফলৈ যোৱা হজ যাত্ৰীসকলক সহায়ৰ বাবে আগবাঢ়ি আহিছে এজন বিশেষ লোক ৷ এইবৰ্ষত অসমৰ পৰা যি সকল হজযাত্ৰীয়ে ইতিমধ্যে পৱিত্ৰ মক্কা শ্বৰীফলৈ ৰাওনা হৈছে আৰু যি সকল হজযাত্ৰীয়ে মক্কা শ্বৰীফলৈ যাত্ৰা কৰিবলৈ পৰিকল্পনা কৰি আছে তেওঁলোকক যিকোনো সমস্যাত সহায় কৰাৰ সিদ্ধান্ত লৈছে তেজপুৰৰ আলহাজ মৌলানা আব্দুলে (Alhaz Moulana Abdul promises help to pilgrims ) ৷
24 ঘণ্টাই হজযাত্ৰীসকলৰ সহায়ৰ অৰ্থে নিজকে সমৰ্পিত কৰাৰ প্ৰতিশ্ৰুতি আব্দুলৰ ৷ ব্যৱসায় সূত্ৰে মৌলানা আব্দুলে মক্কা শ্বৰীফত বাস কৰে ৷ মক্কা শ্বৰীফলৈ যোৱা হজযাত্ৰীসকলে যিকোনো অসুবিধাৰ সন্মুখীন হ'লে মাত্ৰ এটা ফোন কল অথবা হোৱাটচাপ কৰা মাত্ৰেই সম্পূৰ্ণ সহায় লাভ কৰিব পাৰিব ৷
উল্লেখ্য যে, এই ব্যক্তিগৰাকীয়ে বিগত ২৫ বছৰ ধৰি মক্কা শ্বৰীফত অসমৰ হজ যাত্ৰী সকলক যান-বাহনৰ ব্যৱস্থা কৰোৱাৰ লগতে স্থান চিনাকি কৰাই দিয়াৰ উপৰিও ধৰ্মীয় নীতি-নিয়ম সমূহৰ সন্দৰ্ভত অৱগত কৰাোৱা আৰু প্ৰতিটো অসুবিধাৰ সময়তে সহায় আগবঢ়াই আহিছে । সম্প্ৰতি আব্দুল আমগুৰিৰ চামগুৰিত উপস্থিত হৈ সংবাদ মাধ্যমৰ আগত নিজৰ অনুভৱ ব্যক্ত কৰে ৷
হজযাত্ৰী সকলে আৰৱৰ পৰা যোগাযোগ কৰিব বিচাৰিলে 0549253137 নম্বৰত ফোন কৰিব পাৰিব ৷ আনহাতে, কোনো ভাৰতীয়ই যদি আৰৱলৈ যোগাযোগ কৰিব বিচাৰে তেন্তে 00966549253137 নম্বৰত ফোন কৰিব পাৰিব ৷
লগতে চাওক : দুবছৰৰ মুৰত মক্কা-মদিনালৈ ওলাইছে তিনি সহস্ৰাধিক হজযাত্ৰী
