বাক্সা, 21জুলাই: বিভিন্ন জাতি-জনগোষ্ঠীৰ মিলনভূমি অসমত সৰহ সংখ্যক লোকেই কৃষি কৰ্মৰ লগত জড়িত । ৰাজ্যৰ অন্য প্ৰান্তৰ সমান্তৰালকৈ বাক্সা জিলাৰ পুৰুষ-মহিলাসকলো ব্যস্ত হৈ পৰিছে পথাৰত ভুঁই ৰোৱাত ৷ কিন্তু বাক্সা জিলাৰ তামুলপুৰ মহকুমাৰ অন্তৰ্গত জামুগুৰী ভেৰাখাট (চৌধুৰীখাট) গাঁৱত আছে এৰ সুকীয়া নিয়ম ৷ গাওঁখনৰ ৰাইজৰ আছে প্ৰায় আঠ বিঘা মাটি ৷
ভুঁই ৰুবলৈ নাহিলে জৰিমনা বিহা এখন বিশেষ গাঁও !
শাওন মাহৰ প্ৰথম ভাগত গাঁৱৰ আটাইয়ে মিলি ভুঁই ৰোৱাৰ এক প্ৰথা অতিজৰে পৰা চলি আছে ৷ যদি কোনো মহিলাই ভুঁই ৰুবলৈ নাহে তেন্তে ২০০ টকাকৈ জৰিমনা বিহাৰ লগতে পুৰুষসকলে ভৰিব লাগে 250 টকাকৈ ৷ প্ৰায় ত্ৰিশ বছৰ ধৰি চলি অহা এই নিয়মক মানি গাঁওখনৰ সকলো পুৰুষ-মহিলাই এইবাৰো ওলাই আহে ভুঁই ৰোবলৈ ৷ শাওনৰ চতুৰ্থটো দিনত গাঁওখনৰ সকলো পুৰুষ-মহিলা ওলাই আহি আনন্দত বোকা খেলি, ভোজ-ভাত খাই পথাৰত ভুঁই ৰোৱে ৷
