স্পৰ্টছ ডেস্ক, 15 জানুৱাৰীঃ দুই বছৰৰ অন্তত পুনৰ টেনিছ জগতত দুৰ্দান্ত প্ৰত্যাৱৰ্তন ভাৰতীয় তাৰকা টেনিছ খেলুৱৈ ছানিয়া মিৰ্জাৰ ৷ হ’বাৰ্ট ইণ্টাৰনেশ্যনেল টুৰ্ণামেণ্টৰ মহিলা ডাবল্ছৰ ফাইনেলত স্থান লাভ কৰিলে ছানিয়া আৰু নাডিয়াই ৷ ছেমিফাইনেলত ছানিয়া আৰু নাডিয়া কিচন’কৰ যুঁটিটোৱে স্ল’বেনিয়াৰ তামাৰা জিদানচে আৰু চেক গণৰাজ্যৰ মাৰি বুজকোৱাক এক ঘণ্টা 24 মিনিটলৈ চলা মেচখনত 7-6, 6-2 ছেটত পৰাস্ত কৰি ফাইনেলত স্থান লাভ কৰিবলৈ সক্ষম হয় ৷
উল্লেখ্য যে, 2017 বৰ্ষৰ অক্টোবৰ মাহত শেষবাৰৰ বাবে চীন অ‘পেনত অৱতীৰ্ণ হৈছিল ছানিয়া ৷ মাতৃত্ব লাভ কৰাৰ পাচত প্ৰথমবাৰৰ বাবে হ’বাৰ্ট ইণ্টাৰনেশ্যনেল টুৰ্ণামেণ্টৰে আন্তঃৰাষ্ট্ৰীয় টেনিছত ভুমুকি মাৰিছে ছানিয়া মিৰ্জাই ৷
