কামৰূপ, 5 আগষ্টঃ ৰাষ্ট্ৰীয় পৰ্যায়ত উজলিল অসমৰ বহু কেইটা প্ৰতিভাৱান খেলুৱৈ ৷ একাদশ ৰাষ্ট্ৰীয় থাই বক্সিং চেম্পিয়নশ্বিপত বহু কেইটা শাখাত সোণৰ পদক অৰ্জন কৰিলে অসমৰ উদীয়মান বক্সাৰে ৷ ২ আগষ্টৰ পৰা ৪ আগষ্টলৈ অনুষ্ঠিত হোৱা এই প্ৰতিযোগিতাত দেশৰ মুঠ ২৪ খন ৰাজ্যৰ ৮৬৪ গৰাকী প্ৰতিযোগীয়ে অংশগ্ৰহণ কৰিছিল ৷ য’ত অসমৰ ৫০-৫৫ কেজি শাখাত অনিমা নাৰ্জাৰী,মৃনাল কান্তী বড়োৱে সোণৰ পদক, ৬০-৬৫ কেজিত উৎপল চাংমাইয়ে ব্ৰঞ্জ,৫০-৫৫ কেজিত ৰাজা বৰুৱাই,কৰিণা পাটোৱাৰীয়ে ব্ৰঞ্জ, ৪৫-৫০ কেজিত নিজৰা বড়োৱে ব্ৰঞ্জ, ৫৫-৬০ কেজিত পিতাম্বৰ নৰহে ব্ৰঞ্জৰ পদক লাভ কৰিবলৈ সক্ষম হয়। আনফালে চিনিয়ৰ শাখাত ৫৫-৬০ কেজি শাখাত মিলন বড়োৱে সোণৰ পদক, ৩৫-৪০ কেজিত মঞ্জু ৰাভাই সোণৰ পদক,৫০-৫৫ কেজিত দিপা ৰংপিয়ে সোণৰ পদক লাভ কৰে ৷
ইপিনে জুনিয়ৰ শাখাত ৪৫-৫০ কেজি শাখাত লক্ষ্য ৰাভাই,৫০-৫৫ কেজিত বন্দনা বড়োৱে, ৩০-৩৫ কেজিত ৰূপালী বড়োৱে সোণৰ পদক আঁজুৰি আনিবলৈ সক্ষম হয় ৷ চাব জুনিয়ৰৰ ৩৫-৪০ কেজিত লখিমা বড়োৱে সোণৰ পদক,জুনিয়ৰ ৫০-৫৫ কেজিত অমৰদ্বীপ বৰুৱাই ৰূপ আৰু ৪৫-৫০ কেজিত বন্দনা দাসে ব্ৰঞ্জৰ পদক লাভ কৰিবলৈ সক্ষম হয় ৷ ইয়াৰ লগতে অসমৰ দলটোৱে "শ্ৰেষ্ঠ শৃংখলাবদ্ধ দলৰ সন্মান" লাভ কৰিবলৈ সক্ষম হয়। উল্লেখ্য যে,অসমৰ সুন্দৰ প্ৰদৰ্শনৰ পিচতেই ৰাণী প্ৰশিক্ষণ চেণ্টাৰত উৎসৱমুখৰ পৰিৱেশে বিৰাজ কৰিছে । কিয়নো প্ৰায়খিনি খেলুৱৈয়ে ইয়াত প্ৰশিক্ষণ গ্ৰহণ কৰি আহিছিল ৷
