গুৱাহাটী, 21 মে': গুৱাহাটীত অনুষ্ঠিত ইণ্ডিয়া অ'পেন বক্সিং টুৰ্ণামেণ্টৰ দ্বিতীয় দিনাৰ খেলত ভাৰতৰ মহিলা বক্সিং খেলুৱৈ মেৰী কমে দুৰ্দান্ত প্ৰদৰ্শনেৰে ছেমি ফাইনেলত প্ৰৱেশ কৰিছে ৷ নক্ আউট ৰাউণ্ডত মেৰী কমে ৫১ কেজি শাখাত নেপালৰ মালা ৰায়ক ৫ - ০ ৰ ব্যৱধানত পৰাজিত কৰে ৷ ভাৰতৰ সবাতোকৈ সফল মহিলা বক্সিং খেলুৱৈগৰাকীৰ খেল উপভোগ কৰিবলৈ ষ্টেডিয়ামত ভিৰ কৰে বহুসংখ্যক দৰ্শকে ৷
ইণ্ডিয়া অ'পেন বক্সিং টুৰ্ণামেণ্ট : ছেমি ফাইনেলত মেৰী কম
উল্লেখ্য যে, মহানগৰীৰ নবীন চন্দ্ৰ বৰদলৈ ইণ্ডোৰ ষ্টেডিয়ামত চলি থকা দ্বিতীয় ইণ্ডিয়া অ'পেন আন্তৰাষ্ট্ৰীয় বক্সিং টুৰ্ণামেন্ট খনৰ উদ্ধোধনী কৰে অসমৰ শিক্ষামন্ত্ৰী সিদ্ধাৰ্থ ভট্টাচাৰ্য্যই । উক্ত টুৰ্ণামেন্টত মেৰী কমৰ লগতে পূজা ৰাণী, ভাগৱতী কাচন, মানিশা মৌন আৰু চিমৰণজিৎ কৌৰৰ দৰে আগশাৰীৰ খেলুৱৈয়েও অংশগ্ৰহণ কৰিছে ।
