অলিম্পিক কোৱালিফায়াৰ্ছ্ : এইবাৰ নেপালৰ মুখামুখি ভাৰত

অলিম্পিক কোৱালিফায়াৰ্ছৰ দ্বিতীয় মেচত শনিবাৰে ভাৰতীয় দল নেপালৰ মুখামুখি হ'ব ৷ ফেব্ৰুৱাৰীৰ পাছত এইয়া নেপালৰ সৈতে ভাৰতৰ তৃতীয় মুখামুখি ৷

নিউজ ডেস্ক, 6 এপ্ৰিল: অলিম্পিকৰ যোগ্যতা অৰ্জনকাৰী দ্বিতীয় খন মেচত শনিবাৰে ভাৰতীয় মহিলা ফুটবল দল মুখামুখি হ'ব নেপালৰ ৷ ইয়াৰ জৰিয়তে ফেব্ৰুৱাৰীৰ পৰা নেপালৰ বিৰুদ্ধে ভাৰতৰ এইয়া তৃতীয় মুখামুখি ৷

উল্লেখ্য যে, হিৰো গ'ল্ড কাপত নেপালে ভাৰতক 2-1 ত পৰাজিত কৰাৰ পাছত ছাফ্ চেম্পিয়নশ্বিপত ভাৰতে প্ৰতিশোধ ল’বলৈ সক্ষম হৈছিল ৷ ছাফ্ চেম্পিয়নশ্বিপত ভাৰতে নেপালক 3-1 ৰ ব্যৱধানত পৰাস্ত কৰি পঞ্চম বাৰৰ বাবে একেলেথাৰিকৈ ছাফ্ পদক লাভ কৰিবলৈ সক্ষম হৈছিল ৷