গুৱাহাটী, 15 নৱেম্বৰ: শুকুৰবাৰে মহানগৰীৰ লালমাটিস্থিত অডি শ্ব’ৰুমত ‘অডি এ ৬’ বাহনৰ মুকলি অনুষ্ঠানত অংশগ্ৰহণ ভাৰতীয় ফুটবলাৰ প্ৰাক্তন অধিনায়ক বাইচুং ভূটীয়াৰ ৷ অত্যাধুনিক সা-সুবিধাযুক্ত বাহনখনৰ আনুষ্ঠানিক ভাবে মুকলি কৰাৰ পাচতেই ফুটবলাৰগৰাকীৰ মন্তব্য- অসমত শক্তিশালী ফুটবল ক্লাৱৰ প্ৰয়োজন ৷ অহা দুই বছৰৰ ভিতৰত গুৱাহাটীৰ পৰা এটা শক্তিশালী ফুটবল দল গঠন কৰাৰ প্ৰতিশ্ৰুতি ভাৰতৰ প্ৰাক্তন প্ৰতিভাৱান খেলুৱৈগৰাকীৰ ৷ বৰ্তমান 'গ্ৰীণ ভেলী এফ চি' দলৰ সৈতে কাম কৰি আছে খেলুৱৈগৰাকীয়ে ৷ শুকুৰবাৰে মুকলি কৰা 'অডিৰ এ ৬' বাহনখনৰ বজাৰ মূল্য হৈছে 54 ৰ পৰা 59 লাখ ।
সাংবাদিকৰ সৈতে হোৱা আছুতীয়া সাক্ষাৎকাৰত ৱাইচুং ভুটীয়াই জানিবলৈ দিয়ে যে, আই এছ এলত নৰ্থ ইষ্ট ইউনাইটেড এফ চি দলটোৱে বৰ্তমান লৈকে উন্নত খেলৰ প্ৰদৰ্শন কৰিবলৈ সক্ষম হৈছে ৷ কিন্তু আই এছ এলত কৈ ফুটবলৰ প্ৰসাৰৰ বাবে ৰাজ্যত নিজাববীয়া শক্তিশালী ফুটবল ক্লাৱৰ প্ৰয়োজন ৷
লগতে চাওক- শক্তিশালী স্থিতিত ভাৰত, প্ৰথমখন টেষ্টত বিশাল স্কৰৰ দিশে অগ্ৰসৰ
