স্পৰ্টছ ডেস্ক, 16 মাৰ্চঃ ভাৰতত অনুষ্ঠিত হ’ব 2020 চনৰ অনুৰ্ধ্ব 17 বৰ্ষৰ মহিলা ফুটবল বিশ্বকাপ ৷ দেশত দ্বিতীয়বাৰৰ বাবে আয়োজন হ’ব ফিফাৰ টুৰ্ণামেণ্ট ৷ আমেৰিকাৰ মিয়ামীত শুকুৰবাৰে অনুষ্ঠিত এক বৈঠক এই সিদ্ধান্ত লোৱা হয় ৷ এই কথা ফিফাৰ ৱেমেন্ছ ৱৰ্ল্ড কাপ টুইটাৰ পেজত ঘোষণা কৰা হয় ৷
ভাৰতত দ্বিতীয়বাৰৰ বাবে আয়োজন হ’ব ফিফাৰ টুৰ্ণামেণ্ট ৷ ইয়াৰ পূৰ্বে 2017 চনত ভাৰতে অনুৰ্ধ্ব 17 পুৰুষ ফুটবল বিশ্বকাপৰ সফল আয়োজন কৰিবলৈ সক্ষম হৈছিল ৷ যাৰ বাবে দ্বিতীয়বাৰ বিশ্বকাপ আয়োজনৰ সুযোগ লাভ কৰে ভাৰতে ৷ অখিল ভাৰতীয় ফুটবল মহাসংঘই এই সন্দৰ্ভত টুইট যোগে প্ৰকাশ কৰে 2020ৰ ফিফা অনুৰ্ধ্ব 17 মহিলা ফুটবল বিশ্বকাপৰ আয়োজনৰ দ্বায়িত্ব লাভ কৰাটো গৌৰৱ আৰু সম্মানৰ কথা ৷
